انا وضرتي اكتشفنا كذب زوجنا ...ماراح تصدقو

السلام عليكم اخواتي ومضان مبارك وكل عام وانتم بخير
انا حطيت قصتي في هاذ المنتدى والكتير يعرفها وخاصه ملف الزوجات الاوليات
ما اعرف احط الروابط لهيك فيكم تدخلو على ملفي
مشان تفهمو شو صار
وزوجي صارحني بانه لا يحبني ...شوفو قصتي يا بناتحواء
هاذ عنوان الموضوع

زوجي تزوج من تقريب تلات شهور وطبعا مشان
تجي زوجته لفرنسا تطلقت بالتراضي مشانه
وتزوج وعملتله حلويات واعطيتهم نصيب وبعد الاسبوع
اجا مشتاق لي وصار يلي صار وكانه مو عريس
بس بعدها صار يتهرب في يومي ويروح عندها
وانا ما احكي معه في ليلتها ولا ازعج وما نشوفه
اصلا قلت اكيد عريس ومع الوقت يتغير
المهم شفته انه بدا ياكل من يومي قلت لازم
احكي مشان ما يتعود ..وواجهته وقتها قلي انو
ما يستاهل حبي اليه وانه خايف من انو يموت
وما اسامحه وانو حاس حالو متلخبط وضايع وبدو وقت
وانا لاني هبله وبحب راحته قلتلو يكفيك سنه تجي متل ما بدك لعندي
ونضل متل الاخوان بعرف انو غلط بس الله اراد الي
انو احكي هيك مشان يبين كذبه والي راح تعرفزه
كيف كشفه الله لي
واعطيتو خيار تاني الطلاق هو رفضوقلي خيارك الاول مليح
وما صدق انو حكيت هيك وطار لعندها وما شفته يومين
وبعدها راجعت نفسي ودمت على حكي كيف اضل هيك معلق لسنه وهو عندهمره وانا اروح لوين وخاصه انو كنا كتير متفاهمين في الفراش
فكرت وقلتلو اسحب كلامي وهو زعل وصار يعيط
وقلتله انت وينها وعودك لي بالعدل وانو ما تتغير
انت نسيت كل هاذ وبدك انا اوفي بوعدي المهم تشاجرنا وقلي ما اقدر اعدل ومسكلي في هي الكلمه وانا قلتلو طلقني وهو وافق
وتلفنت لابي الي صدمتو لانو ما كان عارف لا بطلاقي في الورق ولا زواجو
وجايه اقلو كل هاذ وكمان اطلق
سافر لعندي ابي وحكا معه وصار يتستت ويقلو
هي اتسرعت وانا بدي وقت وانو انا يلي ما استاهل بنتك
ومشان اهله اعطيته وقت مفكره انو صحيح ضايع
ويمكن لما يتعود عليها يرجع يعدل
بس كنت حاسه انو في شي مو طبيعي ومرات
اقلو شكوكي بس هو ينكر
قالتلي اخت صديقه في يوم زواجه اني موافقه
على زواجه وانو حكا مرتي ما تعطيني حقي لهيك
بدي اتزوج وهي موافقه وطبعا لاني رحت التقيت فيها
صدقوه وراح صديقه ومرته خطبوها لانو اهله رفضو
المهم واجهته بحكي المرا ونكر وحلف انو مو صحيح
انا قلتلو ادا هي كذبت الله يبتليها في صحتها
وادا انت حكيت هيك كمان الله يبتليك في صحتك
وتحسبت عليهم قلي لا انا ماحكيت هي الي تبتلى في صحتها
هاد الحكي كان قبل خمس عشر يوم
من ايام تلفنتلو مشان نروح مشوار ردت علي زوجته
برساله انو مريض انا فكرت انو امر عادي
وعيطتلو تاني حكت معي وقالتلي رفع ضغطه
وهو في المشفى والله ستره من شلل نصفي
ومن حكي لحكي قالتلي من مده وانا حابه اتكلم معك
بس الفرصه ماسمحت قالتلي انا قلت لزوجي ليش
ما عم تروح لزوجتك وتعدل قاللها هي يلي
بدها هيك وهي مسامحتني ولانو متل ما تعرفي
مريضه وما اقربلها سمحت حقها وانو هي تنام مع الاولاد
ليش اعدل واحنا هيك

قلتلها كذاب وحكيتلها شو صار وعرفت انو هو يلي طلب يتزوجها
وماكان بينهم شي ولما قالتلو انت متزوج لانو صديق
اخوها المريض يعرف وكان يساعده
حكالها انو زوجتي مريضه وما تخليني اقربها وانو لما تحب تجيب اولاد
تخليني وانو هي موافقه رغم انو في هذاك
الوقت لسا ما اكتشفت خيانته وخلاني اروح معاه لالتقي فيها
ماتكلم قبل هيك تلفون مشان يبينلها انو كلامه صح
ولاهلها كمان حكا هيك وقبلها مع صديقتها
بفرنسا نفس الشي بس ابوها رفضه ومطلقه كمان
وهو طول حياته يقلي مستحيل اتزوج مطلقه
وانا يلعب علي وعلى اهله يقلهم رفضها لانها طلبت يطلقني
لعب علي وجرحني وبهدلني مع الناس وانا كنت
كتير مريحته وعمري ما رفضته
المهم حكينا كل اشي وانصدمنا فيه وبعدها
اجت وصلتني بالسياره للمشفى ودخلنا عليه
انصدم ولما شافنا سوا وما حكا طول الوقت
واحنا طول الطريق نحكي وشغله مرضها كذبه في كذبه
كمان وحكالها انو عم ينتظر ابني يشفى ويطلقني
واكتشفت حكيه مع صديقه على النسوان ولانو منعو عليه الجوال
كان عندها واعطتني الرقم السري وقلتلها انو كنت اقرا حكيكم
وفهمت انو كانو ما عندو مرا وانو مشتاق وكمان
كمان اكتشفت لما احكي معه على الفيبر كلام
حساس الي بين المرا وزوجها يمحيه طبها مشان
ما تشوفه وينفضح وصوري محاهم
وشغلات كتيره كشفناها خدعنا وانو ما يحب الا نفسه
ما فهمنا ليش عمل هيك
وانا طلبت منها السماح لانو حكيت عليها كلام مو مليح وانو كنت مفكره انها لعبت على زوجي وهي كمان خجلانه مني وطلبت مني السماح
وصرنا ضحيتين لذئب بشري
وتنتين مصدومات وهي بدها تتطلق وانا قلتلها اصبري
شو وهي كمان بدها يعدل ويرجع معي متل الاول
ونو كانت تغار وهو يقوللها ليش تغارين وما بيننا شي
لما يجي لعندي يصير يبكي ويقوللها ما بدي اروح
ولما اجا لعندي يقلي اشتقتلك وقرب مني
والله كانو مسلسل مو مصدقين يلي صار
خلاني اصدقو انو متمسك في مشان يبين حاله انو
مليح بس ما قدر يعددل بعدين وهو مشان يغطي
على كذبته
ايام وانا ابكي وادعي عليه ودعوه المظلوم مستجابه
رغم صدمتي فيه احمد الله انو استجاب دعائي وكشفه
لي وحلفانه على المصحف الي وليها خرج
في صحتو ومع انو حكتلو هاذا تحذير من الله
بس ما اعتقدد انو راح يندم
اليوم بس خرج من المشفى والطبيب قاله انو
شي براسك يرفع ضغطه رعم انو الفحوصات ما فيها شي
اكيد ضميره مو مرتاح وخايف لينكشف
احنا قررنا بعد رجوعي من السفر نحكي معه لنعرف
ليش عمل هيك ونسمعه بس احنا متفقين
وصرنا حبايب وتواعدنا انو نكون متل الاخوان اناعن نفسي
ما اغار منها اصلا ما عدت احبه حتى لو ندم
وطلب السماح ماراح يكون الا ابو اولادي وهي كمان
ندمت على غيرتها وطلبت مني السماح
يا سبحان الله ما تخيلت يصير هيك وانو زوجي هيك
طول تسع سنين عايشه معه بسعاده ولا خاني
ومحترمني ومحسسني بحبه وحنانه رغم انو
جرحني انو ما حبني وطبعا مشان يبرر زواحو
وهي كذب عليها انو مريضه مشان تقبل فيه
حبل الكذب قصير والله يمهل ولا يهمل والانسان
يتغير والرجال ما يحب الا نفسه مشان يسعدها يعمل اي شي
بس انا هلا مرتاحه لانو انكشف كل شي وكسبت
اخت جديده ويارب يغفرلي على كل شي
ويهدي زوجي للصواب
ادعوله في هاذ رمضان ينور بصيرته ويدوم
المحبه بيني وبين اختي في الله

اعرف اني طولت عليكم سامحوني
اغتنم الفرصه واوجه تحياتي وتهاني الحاره بمناسبه
رمضان لاخواتي الزوجات الاوليات واقللهم وحشتوني
ويارب نجتمع في اقرب وقت وسلام خاص لاختي
حره على كف صقار واختي ليدي المقروده
من ملف التانيات والى كل المشرفات على هاذ القسم

تحياتي للجميع
والسلام عليكم