( انا وضرتي العزيزه ) ابي نصيحتكم

السلام عليكم ورحمة الله وبركاته

في البدايه احب اشكر كل من في هذا المنتدى من مشرفين واداره وعضوات

وانا من المتابعين لكل جديد في هذا المنتدى ومن اشد المعجبين فيه وفي بعض الاخوات المشاركات فيه

ندخل في الموضوع

انا تزوجت من كم شهر وتزوجت من رجل متزوج اعرف ان الكثير ما يعجبنهم الزواج من متزوج وانهم يفكرون ان الزوجه الثانيه ظالمه وانها بتخرب بيت الاولى

قبل اي شي بقول لكم سبب زواجي من زوجي العزيز

كان يتقدم لي كثير ومواصفات واشكال والوان بس المواصفات الي ابي ما حصلتها

في شخص واحد وكنت ارفض لحد ما جا الي كاتب ربي اني اخذها وحصلت المواصفات الي ابي فيها وغير كذا اول مره ابوي واخواني يتفقون على واحد بالعاده يكون لكل واحد راي والمهم عندهم رايي بس هالمره كانو موافقين ومعجبين فيه بالمره وتوكلت على الله ووافقت بس بشرط

كان شرطي انه يرضي زوجته >> عندنا في السعوديه اذا الرجال تزوج على زوجته يرضيها بفلوس او ذهب او حاجه هي تطلبها

وكان الغرض من شرطي اني ابين لها اني مهتمه فيها وفي رضاها

وتزوجت ومن ثاني يوم وزوجته الاولى اتصال ورا اتصال يعني ما يمر خمس دقايق

الا متصله وكنت اتضايق من هالموضوع بس والله كنت اقدم لها الاعذار اقول اول مره يتركهم واكيد انها خايفه ينساها ومره اقول من الغيره وهذا شي طبيعي
وكنت اقدر اطلب منه يسكر الجوال بس والله خفت يصير فيهم شي واذا طلبوه يحصلون الجهاز مغلق

بعد شهر العسل على قولتهم وانا كان اسبوع والسبب كان ضرتي العزيزه كانت كل شوي تقول فلانه تعبانه او فلان تعبان او انا تعبانه وكل شوي يروح لهم واذا راح بات اليل عندهم وبعدها صار يقضي اكثر ايامه عندهم يعني ما يعدل في الوقت ولما فتحت معه الموضوع عرفت انها متمسكنه عنده لما صار يحس بتانيب الضمير وزوجي طيب بشكل ما تتصورونه
وماقالت له شي مابي اصكهه في وجهه انا من جهه وهي من جهه قلت اذا هو مرتاح على كذا فانا بتحمل لان اهم شي عندي راحته (( والله اني حبيته بسرعه وصرت ابي اسوي اي شي يسعده ويريحه ))

واستمرت بالماضايقه لي يعني يقضي عندي يومين وعندها سبعه مش عاجبها كنت كل ما جا عندي تتصل فلان او فلانه تعبانين او هي او البيت ناقصه كذا وكذا ويروح من عندي واذا حس اني متضايقه ما راح بس تقلقه بالجوال

وسالني مره ليه انت ما تتصلين الا اذا كنت تبين شي وبعد ما تتصلين تدقين دقه او ترسلين رساله انا استغليت سؤاله بينت له السبب مع لفت نظره لحركة ازعاجها لنا

قلت مابي ازعج زوجتك باتصالي واخاف تقول توه جاي من عندها وتتصل فيه ولا انت لا تفهم اني ابي انكد عليكم >> وقال لي مافيه اي ازعاج واخذي راحتك
ورديت عليه انا الجيده في بعض الاوقات اتضايق من اتصلها تبيها هي الي تحس اني سارقتك منها تشوف اتصالي عادي اذا انت ما تحس فانا غير وهي بعد غير

مدري وصل له الي ابي او لا المهم الحال استمر

لقول لكم شي عني وهذا والله مو مدح في نفسي (( انا طيبه واحب الخير للكل

وماحب اذيت احد ولا احد اظلم احد والي ما حبه حق نفسي ماحبه حق غير

ولما تزوجت كنت مقدمه زضى زوجته على رضاي وطلباتها تتنفذ قبل طلباتي

واي شي يريحها اسويه او اخلي زوجي يسوي ولما سافرت انا وزوجي في اسبوع

العسل اشتريت لها هديه ولاولادها وخليت ززوجي هو الي يقدمها على اساس انها منه حتى تنبسط كثير لما تشوف انه تذكرهم في ايام العسل والغرض من كذا انها ترتاح ان زوجها ما راح يتركهم اذا هو ذاكرهم في اهم الايام وهي ايام الزواج الاولى اكيد بيكره في الايام العاديه

وبعدها كل ما رحت مكان كنت اشتري لها اي شي يعجبني واشتري لاولادها وكان زوجي يقول ما له داعي اكلف على نفسي وانا ما اسمع كلامه

واشتري والغرض والله ابي ابين لها اني طيبه واني ابي اتقرب منها وكلمتني مره تشكرني وقلت لها بصراحه اني ما تزوجت زوجها الا ابي الذريه وما عندي اي غرض ثاني ولا تخاف مني وبالعكس اذا تبي مني اي شي تطلب وتشوف ايش بسوي ليها واذا شافت شي في زوجها مو معجبها وتحس اني بقدر اساعد في تغيره تقول لي

وتكلمت معها بصدق ونيه صافيه

اختي قالت انها ما راح تصدق اي شي من الي قلته لها ومافيه ضره بتحب ضرتها انا مابيها تحبني بس ابيها ترتاح من جهتي ونعيش بسلام ولا يصير مشاكل تطلع للناس

ومن وقت والثاني يجين كلام من كذا شخص ويكون المصدر هي ضرتي العزيزه

وانا مو اصدق اي شي على طول اتاكد اول وكان الكلام الي يجيني يضايقن واطنش

ولا قلت حق زوجي حتى وحده من خواته قالت لي عن كلامه وقالت لا ياثر فيك

بعد فتره تعرفت على اهله اكثر وعرفت انهم مقاطعين زوجته بسبب لسانه وشرها ونحاسته
وان زوجي تزوجه عليها بسبب اهمالها له ولاولادها وانها ما تطبخ مع انها تعرف وحبها للسيطره وفرض شخصيتها في البيت وانها تبي تكون هي رجال البيت وتلغي شخصيته
وحاول زوجي يغير فيها بس مافيه فايده وبعد الزواج تغيرت تغير جذري صارت مثل ما يبي واحسن >>> لما عرفت صرت احاتي لا يتركني ويرجع لها

ادري طولت عليكم بس والله ماعندي احد اشكي له اهلي مابي اضيق صدورهم وهم فرحانين بزواجي

ارجع واكمل لكم الحين زوجي خل يوم عندي ويوم عندها والسبب في تغيير هي وسبب طلبها لهذا التغيير انها ما تقدر تتحمل غيابه يومين او ثلاثه ورا بعض
انا لما قال لي تضايقت كثير حسيت انه ما يهتم فيني ولا في مشاعري اول يغير عني بالاسبوع وعادي الوضع عنده وهي لما قالت له ما تقدر تتحمل يومين غير علشانها

بس ما قلت له شي قلت اذا هذا يريحك انا عادي اهم شي عندي راحتك

المهم صار في يومي تتصل عليه وتساله وين رحنا وايش اكلنا وكل نص ساعه

بعدها قلت هذا ما يحس وهي ماتهتم في مشاعري

وسالته وقلت ليه ام فلان تتصل كل شوي قال تسلم وقلت له سلام كل نص ساعه

ما صار سلام وقال بعض المكلامت تبي اغراض او تساله عن شي

قلت اسمع انا ما اتصل وانت عندها حتى ما تتضايق مني ومن اتصالي ووالله اني اتعب بعض الاوقات او احتاج اغراض وتكون ضروريه واكلم احد من اهلي وكله ما بي ازعجكم وتكلمك كل نص ساعه قلت اكيد يبون شي وتجلس عندهم بالايام وما قلت شي
لكن الحين بما انك يوم هنا ويوم هناك ياليت تفهمها انها ما تتصل الا حق شي ضروري ولو ترسل رساله يوكون احسن

ابشكركم :icon28: باقي كم سطر وافكم من هذرتي

زبده كلامي اني طيبه واحب الخير للجميع بس مو معنى اني طيبه ان حقي ينهظم لا اكيد سمعتو بالمثل (( اتقي شر الحليم إذا غضب )) وهذا المثل ينطبق علي ومابي غضبي يطلع وساعتها الله اعلم وش بيصير

وضرتي العزيزه بعد هالفتره من زواجي تاكدت انها ماتبي مصلحتي ولو بكيفها تخلي زوجي يطلقني اليوم قبل بكره وتحاول تسوي اي شي ينكد على
مع اني ما قد سويت اي شي يجرها او قلت اي شي
غير كذا مبعده زوجي عن اهله وما يروح لهم الا بعد مده طويله

لكن الحمدلله بعد زواجي وهذا كلام امه انه تغير بسببي وصار يجيهم كل اسبوع ويكلمهم كل كم يوم وما يكلمهم الا وهو عندي ولا يمرهم الا في ايامي

زوجي العزيزه طيب بشكل ما تتصورونه واحس ان زوجته الاولى مسيطره عليه لدرجة انها قدرت تاثر على علاقته باهله مع انه ملتزم
وهو تزوج لاسباب قالها لي وقال لي ان كل الي كان يبيه فيني واكثر من كذا

وانا والله من غير مدح في نفس اشوف اني غير الحين لي مده بسيطه من تزوجته وكل ليله تختلف عن اليله الي قبلها ومخليها حياته كلها مفاجات ويطلع من بشكل وحال ويرجع يحلصني شي ثاني << وكل هذا بفضلكم يا بنات حواء من كثر ما اتصفح الموقع قبل الزواج صرت بعد الزواج اطبق كل شي >>
تقدرون تقلون عندي الزوجه الي يحلم بها كل زوجه >> لا تقلون اني مغروره ( رحم الله امرئ عرف قدر نفسه ) وانا عارفه نفسي زين

كيف اعرف اذا زوجي ما راح يتركني بعد ما تغيرت زوجته الاولى

وكيف احرره من سيطرتها ومش معنى كذا اني ابي اتحكم فيه

ابي شخصيته مستقله ما يتاثر في كلامي ولا في كلامها

وكيف افتك من اذيتها لي وازعاجها

ياليت احصل عندكم النصيحه واذا مافيه دعوه من القلب

بالتوفيق لي وإن الله يرزقني الذريه الصالحه في القريب

والف شكر واسفه على ازعاجكم