انا وطالبتي ؟؟؟

أختي الكريمة خفايا روح ذكرتيني بالذي مضى!!
ماتشعرين به من الخزي والإنطباع السخيف كما تقولين ليس له أساس من الصحة فأنت لم تقومي بعمل يخدش الحياء,, وتأنيب الضمير هذا لأنك بطبعك خجولة وهادية!!
أما بالنسبة لشعورك تجاه طالبتك تلك فماهو إلا ردة فعل طبيعية لما تتصف به البنت من حسن الخلق (هادية ,شاطرة ,مؤدبة, ذكية..) أكيد إنها بتنحب!!
هو صحيح إنك بالغتي شوي في إظهار مشاعرك تجاهها بس المهم إنك ماتعديتي حدود الأدب في تعاملك معها وبالنسبة لتهرب البنت منك أتوقع لأنها حتى هي خجولة وهادية وإلا معظم البنات مايصدقون إن في معلمة تبدي لهم إعجابها فيهم أو تعطيهم وجه,,
أنصحك يا أختي إنك ماتشغلين نفسك بهالموضوع لأنك بتتعبين وعلاقتك مع الطالبات خليها رسمية لأبعد الحدود لا إظهار مشاعر ولا غيره,,
أهم شي إنك تعززين ثقتك بنفسك وكلنا بشر لنا أحاسيس ومشاعر..
عني أنا شخصيا مريت بنفس هالموقف لما كنت طالبة والله كأنك تتكلمين عني حتى موقفك لما حذفتي السؤال والله والله إن معلمتي حذفت السؤال مثلك لأني كنت بنقص نص درجة سبحانك يارب!!
وكانت نظرتي لها إنها كبرتي في عيني أكثر وحسيت إن عندي أخت كبيرة أستشيرها بأي شي ولعلمك إني دخلت نفس تخصصها لأنها حببتني فيه كثير وما زلت أذكرها وأدعي لها بكل خير على الرغم من مرور السنين..
أعتذر عن الإطالة وتقبلي مروري,,
أختك: أجمل أمل..

يااااااااااارب الفرج القريب

اللهم رحمتك نرجوا فصلح لنا شاننا كله ولا تكلنا الى انفسنا

طرفه عين الا اله الا انت

اسمحي لي ان اقول انك تسوين كذا عشان هاديه وشاطره بالعكس كل المعلمات يسون كذا انا عندي معلمة تحبني عشاني شاطره وتسوي الي تسويه اجمع الاوراق حتى انها تشكرني قدام الطالبات عااادي مره ولاتوسوسين ترا هذا من الشيطان عشان تشكين بنفسك تعوذي من ابليس

اختك شعورك طبيعي خصوصا ان البنت شاطره ومؤدبه

وانتي أيضاً ممكن تكوني حسيتيها نفس طبيعتك والإنسان بطبعه يميل لمن هم قريبين من شخصيته

انسي الموضوع وحاولي تحسسي الطالبات كلهم بقربك منهم واحترامك لهم

 

بالعكس أنتي ماعملتي شي غلط أنتي حبيتيها لانها تنحب من صفاتها لكن المفروض مابينتي لها هذا الشي صدقيني البنات مايخبون عن بعض شي وأي كلام تقوليها لأي طالبة حطي ببالك انها راح تقول لصديقاتها وأنتي معلمة عارفه حركات البنات والأعجاب وهذا الكلام حبيبتي اللي راح راح وأنتهى أنسي هذا الشي وبالعكس المفروض يكون درس لك علشان مايتكرر هذا الشي ,,,ذكرتيني بمعلمتي معلمة الرياضيات الله يذكرها بالخير كانت تنحط على الجرح يبرى