عزيزتي انا بنتي حاطيتها عندي بسريرها وبعيد عن المكيف ومشغلين التكيف على البارد عادي بس وقت النوم البسها شي دافي
ونصيحة لا تعودي طفلك على الجو الدفا بس لانه بيغلبك بالبرد لازم تعوديه على كل الأجواء على شان جسمه يتعود
والقومة كل ساعتين طبيعي لانه يبي يرضع ممكن باليل تعطيه رضعة صناعي ينام وقت اكثر

لا اله الا انت سبحانك اني كنت من الظالمين

نفس حالتي و كنت ناويه اكتب عن الموضوع
ولدي عمره 6 شهور معنا فالغرفه و عنده سريره شكبره
بس زوجي الله يهديه يحطه بيننا اخاف يتعود و يرفض سريره
مشكله ولدي نومه جداً خفيف و يتفزز

باب النجار مخلع بنصحك و انا اعاني من نفس المشكلة
احسن شي للنوم الافرولات اللي رجولها مسكره مريحه جداً لليهال
و اذا غرفتك بارده حطي ستاير لسرير الياهل بيصري الجو داخلها
دافي شوي
اما اللحاف ما انصح تغطينه ابد قبل كم يوم لقيته اللحاف حول رقبه ولدي
بسم الله عليه يتقلب احمد ربي
لحقت عليه

لا ينام جنبك
جيبي السرير وحطيه بعيد عنك ورضعيه وشبعيه وبدلي حفاضه ونامي
وهو بسريره لا تعودينه على الشيل والقرب منك ابدد
انا ام لثلاث اطفال واتبعت نصيحة امي وجدتي الله يرحمها تقول لا تعودين الطفل على اللحم قصدها الشيل وانك تلزقينه فيك
وفعلا هالشيئ اللي صار
احممهم واشبعهم وارضعهم اخليه يتجشأ وسيده علسرير ولو بكى المسه بالسرير ما اشيله ابد وما يطولون يبكون لانهم ماتعودوا على التلزق
ومع الوقت ينام من كيفه
وبس
الرضاعه العاديه تخليه ينام 3 الى 4 ساعات
الرضاعه الطبيعيه ساعتين
لذلك اعطيه رضاعه قبل النوم افضل لك
ولو فرضا كنتي مثلي ارضعه طبيعي الساعه 9 ولما انام 12 اعطي رضاعه والفجر يقوم مع الاذان
فنصيحه مني لك اول سر للتعامل المريح مع الاطفال التنظيم في الرضاعه
عدم الشيل او الهزهزه
لا تعودينه انك تاخذينه قدامك بكل مكان
لازم يتعود على الاصوات على القران عالتلفيزون بدون وجودك
وبعدها رح تنبسطين
والله يحفظه لك
فنصيحه لا تخسرين زوجك عشان طفلك
لاتباعدت المخده تباعدة الموده

بس زوجك بيتعود ينام لحاله بعدين