نصصصصصصصصصصيحه ولا تزعلي مني
روحي أعتذري لأنه أثنيناتكم غلطانين

بصراحه انا ماشفت موضوعك الا الحين واحيي فيك صبرك ومشاورتك قبل اتخاذ اي تصرف

لكن فيه تصرفات حسيت انك غلطتي فيها ..

الحين لمن طفل يسبك ليش تروحين تشكين امه وخصوص انها مثل ماقلتي بارده وكذا
المفروض دامه سبك قدامها مو تضربينه كف لا الكف منهي عنه غير كذا هو طفل مو واعي الكلام الي جالس يقوله يعني لاتضحكين في وجهه عشان لايتمادى ولا انك تسكتين وهو يحسبه عادي المفروض تخاصمينه تقرصينه تضربينه على ظهره او يده ..

المهم دام الموضوع انتهى على كذا خلينا في سالفتك الحين

يختي اذا هي مشيتها كذا وكل شوي حق زوجها هذا مايدل الا انها ضعيفه شخصيه لانها ماتعرف تتكلم وتدافع عن نفسها وعقلها هالكبر(.)
وبالنسبه انك تحسين انه مابه احد يدافع عنك انتي اصلا مانتي محتاجه احد يدافع عنك
صدقيني من خلال كلامك ومواقفك معها انتي اقوى منها والانسان القوي مايحتاج من يدافع عنه ويوقف معه
اهم شي ام زوجك وزوجك دامك كسبتي رضاهم هي بالطقاق خلي زوجها ينفعها صدقيني مصيره يمل من مشاكلها ومهوب كل مره بيوقف معها وكذا هي بتنقهر خليها تموت بقهرها


لاتخلينها تغيظك بطيشها لانها هي عارفه انك مراح تسوين مثلها لانك اعقل منها صدقيني هي واعيه هالشيء


الحل
لو تنقلون من بيتكم احسن وقولي لام زوجك بناتك لو تبي يزورونها يوميا وانتي بعد
صدقيني فكره انه الاخوان يسكنون بعماره وحده اكبر غلط وهالمشكله من زمن جدي صايره مافيه احد من الاخوان ساكن بنفس العماره الا ومشاكل خصوص لمن يكونون مثل وضع زوجك ( اسمحي لي يعني)
ساكت ولا يحب يتدخل يختي وش الي يخسر اخوه عشان كلام حريم طيب مهو راح يخسرك انتي لاقدر الله!!!
صدقيني الموضوع يبيله جلسة رجال يتفاهم هو واخوه يا اما يشوفون له حل ولا تنقلون انتم


ودام هي الحين هادئه وبس تحاول تبعد ولدها خلي تبعده انتي وش الي ضارك؟؟
مو ماتبينه يسبك خلاص مراح يسبك دامها جالسه تبعده
وعندي اقتراح يعني حاولي ماتكونين موجوده وقت ماهي تكون موجوده يعني مثلا اذا بتنزلين عند ام زوجك اختاري وقت ماتكون هي فيه
وان كانت موجوده لاتناظرينها ابد
بس وان جات واعتذرت ولا صار صلح بينكم تصالحوا لكن لاتردين لنفس اسلوبك اول خلي بينك وبينها حدود والله يوفقك

بما أن الولد اعتذر لك فهذا يعني أنه خوصم على كلامه
وربما اعتذاره منك كان بطلب من والده

تصرف والده بإخراجه من بيتك طبيعي بعد ماحصل من مشاكل
ردة فعل طبيعية فلا تأخذين الأمر بحساسية

ثم تعاملي بمبدأ السلامة , كافية خيري و شري
ونصيحة :- الطفل - أي طفل -
لو أعطيتيه وجه راح يمون عليك بزيادة ولا يعرف شئ اسمه حدود

تصرف زوجك وأمه حكيم , ولا تظنين أنه عدم إحساس بك
بدليل ردة فعل أم زوجك في الجزء الثاني
لكن لو وقفو معك المشكلة راح تكبر وفي الأغلب تكون نتيجتها نزاع بين الإخوة

بالنسبة لأخ زوجك مع زوجته من المؤكد أنه عاتبها فيما بينه وبينها
أنصحك تتعاملين برسمية
ولو عادت المياه لمجاريها بعد مدة , اتركي حدود فيما بينكم وتعاملي بمبدأ السلامة
أدي الواجبات الأساسية فقط .
واحرصي على ألا تكون هناك نزاعات تكبر في نفوس أطفالك تجاه ابناء عمهم مع الوقت
أما زوجك ووالدته فسانديهم على موقفهم فهو الصحيح وهو الأولى
فتدخلهم ينتج عنه مفسدة أكبر من المفسدة الحالية .

انا رديت عليج قبل وقلت لج انج انتي اللي غلطانه باسلوبج .. واللحين اقولج بعد انج انتي اللي غلطانه اللحين خلاص لا انتي تكلمينها ولا هي تكلمج ليش تبين تغيضينها و انتي كنتي خايفه على بناتج من الولد ومن ألفاظه وخلاص افتكيتي منه اذا جا مره ثانيه قولي له حبيبي روح بيتكم العب ماما وبابا ما يرضون تلعب هنا .. وكان الله غفورا رحيما ...
أما من ناحية انج مظلومه و ان زوجج ما يدافع عنج...اللي اشوفه ان زوجها مب واقف معاها بس مايبي الولد يجي عندكم وينضرب وتصير سالفه اكبر من السالفه الاولى ... هو ما جا وكلمج ولا قال لج اي كلمه ...
انا اقول كبري عقلج و خلي عنج سوالف الانتقام وانج تبين تغيضينها واذا الولد جا لاتخلينه يدخل

انت ليه تسندين نفسك على غيرك ؟؟

انا قريت الموضوعين من الاول ودعيت لك بظهر الغيب وماكان عندي شي ممكن يفيدك فآثرت عدم الرد \
بس انت هنا راطه قوتها بزوجها ورابطه ضعفك بغيرك ؟؟؟؟؟؟

انت انسانه قويه ودائما قولي هالكلام في عقلك ومنت محتاجه احد معك سواء زوجك او غيره , والفرق بينكم انت قويه بعقلك وخوفك من الله وهي قويه بكذبها وامور اخرى
يعني لو كانت كذبت على زوجها وحطت قصة طويله عريضه
يمكن يكفشها مع الوقت 1- تتغير نظرته لها ومحد يجلس متربع على اي مكان وقت طويل وبالذات بالكذب والزيف
2- يكون عارفها وبيفتك وماله خلق عوار راس

هنا ابني شخصيتك بعيد عنها وانسيها تماما وخلي حياتك مقصووره على اللي يحبونك علشان راحتك النفسيه وابعدي عنها ولو شفتيها دربي عقلك على تجاهلها ومع الوقت بيكون الاهتمام فيها صعب << مجرب

اشغلي تفكيرك بالافضل واشغلي وقتك القرآءه وخليها صدقيني بترتاحين جدا
وتصرفك مع الولد حلو وخلاص لا تخلينه اكبر همك اذا رجع الله يحييها وعامليه بالافضل واذا راح هذولا اهله وبكيفه الله يحفظه


وتذكري خليك قويه بنفسك واخلاقك و طيبتك وفي نفس الوقت اذا غلطت عليك لاتخلين حقك ولا تنظرين احد ياخذه لك