انا اعرف ليش انتي عصبيه لانه اليهال ما يسمعون كلامج وانا نفس الشيء بس انا اكلمهم قبل لا اطلع اقولهم اذا واحد منكم ما سمع الكلام خلاص مره ثانيه ما بنشله معانا او بنرجعه البيت المهم حاولي انج تطنشين هبالهم وشيطنتهم علشان زوجج ما يتنرفز لانه الحرمه اذا كانت وايد عصبيه زوجها ينفر منها ويهرب ما يحب الجو المكهرب

حبيبتي انتي خلال ٦ سنوات جبتي ٣ اطفال ماشاء الله تبارك الله. طبيعي هذي النتيجة حوسة وإرهاق جسدي ونفسي عليك وعليه. لاتفكرين بالحمل حاليا خلي صغارك يكبرون والبيت بيهدأ. عطي نفسك فرصة انك تتقوين وتستعيدين طاقتك وهدوئك. الزواج مو بس حمل وولادة غصب الرجال يهج، هو تزوج يبغى أنثى مدللة وتدلعه معاها، لكن انتوا ياحريم حواء ماعندكم هالشي، ماتعرفون غير الحمل في الزواج. وخليه يشاركك المسؤولية حببيه في أولاده، اذا انتي هديتي البيت كله يهدأ وينعكس عليه

اتركي زوجك على جنب
ليه تضربين اعيالك ؟؟؟؟ ليه توصليهم لمرحلة يخفون منك مع انه يفترض انك انت مصدر الامان لهم
ازعجو صارخو حاسو البيت طبيعي هذي مهارات لازم يدركها الطفل عشان يتعلم
عيدي حسابتك وقبل تمدي يدك عليهم اركضي للحمام وتوضائ وضوء الصلاة الغضب من الشيطان وهو مخلوق من نار والنار يطفيها الماء
وادخلي النت تعلمي الاساليب الحديثة للتربية عمرالضرب ماكان حل
شوفي الاجانب وشلون يحرمون اولادهم اذا غلطو يكفي يجلسونه بالدرج او زاوية البيت ومايتحرك منها يسمونها منطقة الادب
لان الحرمان اشد من الضرب

ولاتزعلين ياقلبي من كلامي بس لاني مثلك أم ثلاثة لكن خلال 13 سنة جبتهم انتي خلال ست سنوات يعني كل سنوات عمركم في رعاية للصغار ومابينهم إلا فارق طفيف اكيد بيصير تنافر وتكبر الفجوة بينكم انتي الآن أمسكي نفسك عن الحمل واذا كبروا صغار بتشوفين الفرق في حياتك .. موفقة يارب

حااولي تكونين هاديه قد ماتقدرين
اجبري نفسك،،،وبعدها تكون عاده الله يعيننا