السلام عليكم ورحمه الله وبركاته
انتم مثلي خواتي والله عشان كذا راح اقولكم مشكلتي على طول
لعل وعسى القا الحل عندكم اللي يريحني من اللي انا فيه
:icon33:
مشكلتي اخوي مايطلع من غرفتي وربي ماناخذ راحتنا انا واختي فيها
على طول يجلس من نومه ويجي غرفتنا ومعه الابتوب حقه ويطفي المكيف ويشغل الليت ويجلس
وربي مانرتاح حتى في نومنا نحس بالحر نجلس ونقوم ونسكت وكل مرة نعدي وقااام يجيب اكله ويجلس على سريري بأكله ويخليه على السرير ويقوم يغسل ويرجع ويقوم ينام واكله لسا على السرير !!!!!!
حتى ايذا امي كلمته قالت له هم بنات يبون يسولفون على راحتهم اطلع عن غرفتهم وربي انه ذاك اليوم يوم تكلمه امي اخذ علاق الملابس وظرب امي به ليش لانه قالت له اطلع عن غرفتهم
اخوي الكبير يروح له معصصب بس امي تمسكه تقوله خله يولي انا تعبت ماقدر على هواش كبرت
لدرجه انه مرة جات بنت خالتي من السوق وكان بيتنا قريب من السوق اللي هي فيه ومرت عندنا تسلم على امي ومنها تشوف الملابس اللي شرتهم تقيسهم عليها قالت لي ابي ادخل غرفتكم ابي اجرب الملابس اللي شريتهم وربي ماغير كل وحده تناظر في الثانيه انا واختي كيف ندخلها وفيها اخوي جالس اللي مايطلع منها
قلت مافي غير اني اروح اقوله يطلع رحت له قلت له بهدوء ممكن تطلع من الغرفه لانه بنت خالتي تبي تجرب ملابسها وربي ماحسيت الا به يضربني ويتفل علي ليش لاني قلت له اطلع عن الغرفه رجعت لبنت خالتي وقلت لها ان مفتاح الغرفه ضايع كنت بحاجه اني اكذب عليها قلت لها بروح اشوف مجلس الرجال ايذا مافي حد روحي بدلي ملابسك رحت المجلس شفت اخوي الكبير نايم فيها جلسته من النوم وقام وطلع برا البيت لان بيتنا مراااا صغير ومافيه غرف كثير والان ايذا احد زارنا اخوي الكبير يطلع من البيت يقول عشان البنات يجلسون بألمجلس لانه يدري مستحيل ندخل احد بالغرفه ليش لانه فيها اخوي اخوي هذا صغير عمره 17 لادراسه لاشغل لاشي جالس بطالي بس مسسيطر على البيت مرة كان باالحمام دخلت غرفتي تفأجئت انه موب فيها وجت اختي وتفأجئت بعد قالت لي اختي الصغيرة الي بـاول متوسط تعالي ابي اقولك شي قبل لايجي اخوي للغرفه دخلنا وسكرنا الباب قالت لي انا اسمع البنات يتكلمون عن شي اسمه الدورة ومادري وشهي وانا مادري عن وش يتكلمون والبنات كله يجلسون مع خواتهم بالغرفه ويسولفون معهم ليش احنا غيير وعلمتها عن الدورة لانها ولا مرة جاتها وماسمعنا الا فتحت الباب بقوووة حنا خفنا شفنا اخوي جاي يقول ليش مسكرين الباب وليش تتكلمون بشويش وسكتوا يوم دخلت وش كنتوا تقولو وهو معصب انا قلت ماكنا نقول شي قال طيب وراح ورجع وبيده سكين وقال والله ان ماقلتو وش تسولفو به لذبحكم الحين احنا خفنا لانه مو بعيده عليه انه يسويها ومافي حل غير اني اقوله وقلت له وش كنا نقول وربي تعبنا وامي تعبت مننه واخوي كله برااا ايذا جاء احد عششان ياخذون راحتهم ومايرجع الا لمن يمشون ويرجع البيت حتى مررة بنت خالتي قالت لي ليش ماتدخلونا غرفتكم الكل يدخلنا الا انتوا وكل البنات يقولون انكم ماتبون حد يشوف غرفتكم وله اغراضكم مايدرون ليش ماندخلهم احنا :44:
لاتقولون انه يبي غرفتكم عشانه بارده او كبير ة
وربي ان غرفتهم الاولاد اكبر من غرفتنا وابرد من غرفتنا
تعبنا معاااه حتى قمت ادعي عليه بالموت لانه تعبننننا
ادري كلامي مخرربط عليكم بس من الحرررررة اللي في قلبي عليه :angry:
ارجوكم ابي حل منكم ودعو ربي انه يهديه وراح ادعي لكل وحده ترد علي وربي اني ماكذبت عليكم ولا بحرف
ضحكه الهم @dhkh_alhm
عضوة جديدة
يلزم عليك تسجيل الدخول أولًا لكتابة تعليق.
المصيبه كيف يضرب امكم
هذا شيطان كيف يمد يده علي امكم
وكيف تسكتون له
اذا ضرب امكم اشتكوه في الشرطه
يمكن يخاف
الله يعينكم ويفرج عنكم
هذا شيطان كيف يمد يده علي امكم
وكيف تسكتون له
اذا ضرب امكم اشتكوه في الشرطه
يمكن يخاف
الله يعينكم ويفرج عنكم
الله يهديه ياربي
ويصلح طيب حاولو تبدلون الغرف يعني
خذو غرفتها وعادي شاوريه والله يهدايه يارب
ويصلح طيب حاولو تبدلون الغرف يعني
خذو غرفتها وعادي شاوريه والله يهدايه يارب
الصفحة الأخيرة
هذا سنه سن مراهقة ويبي يتحكم بكل شي
صراحة الله يعينكم عليه بجد شي ما ينصبر عليه
مالكم الا تدعون له بالهداية
وخلي امك تدعي له بكل صلاة ترى دعوة الام مستجابه