انا ولدت بالشهر ثامن ياريت تنصحوني وتخبرني شو رايكون

مرحبا انا حابة احكي قصتي انا ولدت بالشهر ثامن يعني 10 ايام وكنت بخلص منو وبفوت بالتاسع بس الله ما كتبلي اجاني صبي وانا طبعن عندي بنت قبل لمهم ولدت عند قابلة بالبيت هاد اول غلط عملتو بس انا ما كنت بعرف انو شو لفرق بين لقابلة ولمشفى اجاني صبي وضل هادي كتير لحتى صار عمرو سنة لكل يقلي ابنك فيو شي كتير هادي عملتلو تحليل طلع معو نقص كلس شوي وبعد فترة صار لكلس عندو طبيعي صار عمرو هلاء سنتين وشهرين وانا عم دور من دكتور لدكتور لانو ابني لهلاء ما بيمشي غير مع مساعدة في رجل بيطويها شوي ورجل جالسة وبميل شوي وهو واقف على جنب عملتلو صورة لحوضو طلع عندو مافي تغطية كاملة لعضمة لحوض من هيك بوقف مايل شوي في جنب مضرر لانو اكتر من تاني وشد بعضلات رجلتين وفي عندو ركبة شادة وتر قصير شوي هاد يلي فوق كعب رجل بيجي وتاني قصير ساتي يعني بوقف على روس اصابعو وفي تاخر بكلشي عندو متل ازا هو اصغر من عمرو بسنة تاخر بالحكي ولقعدة وزحف ولهلاء ما مشي طلع كل هاد في شي بعقلو شلل طرف بالدماغ قريب للمتوسط ازا في دكتور يجاوبني شو سبب هو لانو ما كمل ليصير بالشهر تاسع ولا لانو ولدت عند قابلة وصار معو نقص اكسجين بالدماغ وشو لعلاج غير لجلسات الفيزيائية او لعملية لعملية بتنعمل لحوضو وتطويل لوترين برجليه في شي بخليه احسن معقول كمان يكون ماسر على عقلو وشو سبب يلي هيك خلاه يصير معو ياريت حدا يجاوبني