انا ولدي عنده فرط في الحركه اتعبني مره وين اعالجه دلوني وانقذوني قبل يدخل المدرسه

حبيبتي انا ولدي عنده نفس الحاله وعالجته عند طبيب تخصص اعصاب ونفسيه للاطفال هو يجي زاير لمستشفى الفناتير بالجبيل والدكتور من مستشفى اظن الحرس في الرياض وعطاه حبوب اذا اخذها صار كويس جدا واذا تركها بعد فتره يرجع للحركه بس عيبها انها تسبب فقدان للشهيه ونقص في الوزن
اختي هناك سلوكيات من البيت تقلل من الحركه مثل تقليل السكريات والعصائر عنه ويكون النور خافت في المنزل لان الاضاءه العاليه تزيد من توتره وحركته وايضا اشغليه جسديا باعمال حركيه مثل انه يساعدك في المنزل وهكذا ويارب يشفيه لك واي اسئله انا بالخدمه

لاحبوب ولا كيماويات

حبيبتي ولدك عنده طاقه يفرغها باللعب والحركه

حاولي تعطينه شي مفيد يفرغ فيه طاقته مثل الرسم الكتابه اللعب بالنطيطه لعب كوره

وحاولي بعد تكونين معه انتي وابوه وغير كذا غيري نوعية الاكل

ابعدي عنه الشكولاته والمشروبات الغازيه والعصائر الملونه والحلويات الي ماوراها غير السمنه والمرض

اهتمي بتغذيته بالخضار والسلطات والعصيرات الطازه

قبل ينام عوديه يشرب حليب دافي مع ملعة عسل

وبين الوجبات شربيه نعناع مفيد ومهدئ ويحبونه البزران

وكل هالامور لازم تكونين معه لاتخلينه ياكل ويلعب لوحده يطفش تراه ويعاند

وخصصيله وقت يشوف فيه التلفزيون واختاري له المفيد

وقبل ينام قصيله قصه قصيره عشان تحرك مخه وكل طاقته تروح للتفكير

واخر شي وليسا اخرا لاتتركين الورد اقري عليه قبل ينام واستودعيه الله بكل وقت وسمي عليه وعلميه الاذكار وبعض الايات

وصدقيني بعد ذا كله بتشكريني بس مابي منك غير الدعاء

ولاتقولين لي جربت مافاد

استمري الولد توه صغير ومحتاج كل هذا

بالتوفيق

الله يشفيه

اشكركن وجزاكم الله خير وجعل كل ماكتبتتم في موازين حسناتكم
وشرايكم ادخله روضه
هذالاالايام افكرفي هذاا الموضوع

الله يشفيه ويعافيه ويخليه لك ..