انا ومشاكلي مع زوجي بسبب اهله

صصباح الخير عالجميع يا رب

مدري اش اقول والا كيف ابدى والله احس ضغطي H كله من زوجي هالانسان اللي متعلق في اهله بشكل مرضي

والله كل مشاكلنا بسبب اهله بختصرلكم هو يعشق اهله ومن اخذته واحس فيه سوء الظن مره سألته عن احوال اهله من السواليف شخبارهم طيبين وكذا! على طول رفعلي حاجبه ليش تسألين ليش تبين تعرفين وحسيته عصب كأنه يقول لقافه تبين تعرفين اش عندهم ؟ وربي حلفت اني ماعاد اساله عنهم ولا اجيب سيرتهم

كل اسرار بيتي عندهم اش جبنا اش بنجيب اش بنسوي يشاورهم قبلي للاسف وهو شي يخصني اخباره عموما اول حاجه عند اهله مرات يقلي ومرات اسمعها من اهله او زوجات اصحابه وانحرج

وللاسف هالشي جرأ اهله يتدخلون في حياتنا المهم الكلام هذا بديت اتعود عليه وبطنش مالي غير كذا

المصيبه انه بيجيب امه وابوه يسكنو عندي انا ادري امه وابوه وعلى عيني وعلى راسي وماني بنت عديمه احساس بس امه صعبه المعشر تتدخل وترمي كلام ومن النوع الي مايعجبها شي وجدا صعبه في التعامل تاخذ كل فعل وردة فعل على انهها شي ضدها يعني ماتحسن النيه

انا دوبي مكمله السنه والله انه من اول اسبوع في شهر العسل قلي هالشي وضيق صدري طيب انا دوبي عروس وماعندي عيال ابي اخذ راحتي في لبس في حركه في كل شي وجيتهم عندي يترتب عليها كثير امور زيارات عيالهم كل يوم وجمعات بناتهم مو معقول ما اخرج من بيتي لانهم قاعدين في بيتي ومو معقول بخرج وهما في بيتي !


من بداية حياتنا نتهاوش بسبب اهله في كثير امور وهو من النوع االلي تقولين له الهرجه وتفهمينه بيزعل وقتها وبعدين بيرضى او بيطخ بس لازم يرجع يفتح نفس السالفه وارجعي فهمي وشيلي وحطي قلبي عورني من كثر ما اعيد في كلامي في نفس المواضيع : (

مشكلتي ماعرف اجامل وما امسك نفسي يبين على وجهي لمح لي قبل يومين وقلت له الله يحييهم زيارة كم يوم يونسوننا قال لا يقعدون وشكلك ماتبينهم صح!

المهم اتغيرت السالفه قولولي اعطوني حل شسوي ؟ اخاف اقول رايي صريح وارفض ويقلب حياتي جحيم يكرهني ويحقد عليه هو عشقه اهله وفي نفس الوقت ما اقدر اوافق واضغط على نفسي واكره حياتي بسبب انو اجامل واكسب رضاه ؟ ماني اولى ببرهم من عيالهم ماني ملزمه والله

افتوني الله يسعدكم ويفرج همكم تعلقه في اهله كل ماله ويبعدني عنه كل ما نقرب من بعض تصير مشكله وابعد ماني قادره احبه من كثر ماهو يزعجني بهالشي يبغاني نسخه من امه واخواته في كل شي ومايقتنع بكلامي ولا يشوفه صحيح لدرجة لو مثلا اخته تقول نفس رايي يقول صح معاك حق بس لانه من اخته . . .طولت عليكم بس في بقلبي كلام وكلام