اول شي هدي اعصابك ولاتتوقعي انه كل شي بيكون مثالي وعلى اكمل وجه بوجوداطفال صغار
اكثري استغفار والعصبيه والمعانده تزيد الوضع سوء
لازم تعاهدي نفسك انك تتغيري وتغيري اطفالك وتصبري لانه ماراح يصير بيوم وليله
اولادك صغار وفيهم طاقه خصصي لهم وقت يخرجو فيه لمكان فيه رمال يطلعو كل الطاقه السلبيه في اللعب بالرمل اذا ماعندك مكان ففيه اماكن مخصصه بالمولات للعب بالرمل
بالبيت شيلي كل غرض تخافي عليه وقفلي غرف الضيوف واتركيهم يلعبو اكيد الحوسه موجوده مستحيل بيت ماينحاس مع الاطفال طبيعي جدا لاتزعلي وتعصبي
خليهم بغرفتهم وجيبي لهم العاب فيها وقبل النوم سوي لهم زي المسابقه اللي يرتب اسرع واحسن له جايزه لعبه جديده او فلوس او حلاوه اللي يحبوه
امدحيهم انهم عاقلين وشاطرين والناس يحبوهم وبابا وماما يحبوهم كمان لانهم مؤدبين وتسمعو الكلام
اقطعي عنهم الشكولاتات والشيبسات والعصاير المعلبه مامنها الا الضرر للدماغ وتسبب فرط حركه ع الفاضي
جيبي لهم دفاتر رسم وتلوين ينشغلو فيها
اللي عمره خمس سنوات خلاص سن تمهيدي واللي اصغر منه روضه دخليهم يتعلمو وينشغلو مع الاطفال
ادعي لهم بالهدايه وادعي لنفسك بالصبر والحِلم ترا الموضوع محتاج شوي مسايسه وحكمه وتمشي الامور مايحتاج العصبيه اللي تزيد الوضع سوء
وترا اغلبنا قللنا جمعات وخرجات حتى كبرو عيالنا ودخلو مدارس هم اهم من الخرجات والطلعات اذا بتسبب نكد وعصبيه

الله يرحم حالنا
انا نفس وضعك وتعبت معهم الله يصلحهم

ياقلبي الله يشفيك اول شي
شوفي مابي اقولك عادي وهم كذا الاطفال لا في أطفال يردون على امهم اي اي لا يعني لا
ومن نظره يعرفون انهم سوى شي غلط ولا يحرجون امهم عند الناس شوفي بالاول تعالي معاهم بطريقه الحرمان يعني أبدي بالكبير لانه اذا سوى شي بيسوون هم معاه واذا غلط بغلطون نفس غلطه واذا سوى شي صح بعد بقلدونه فهو القدوه بالنسبه لهم
شوفي شنو يحب مثل نوع حلو اذا خرب او ماسمع كلامك احرميه من هالنوع من الحلويات واذا سمع كلامك مثل قلتي له جيب الشغله الفلانيه وسمع كلامك كافئيه بالحلويات او الايباد اذا انتي تعطينه اطفالك احرميهم منه اذا تعبوك ولا سمعووو كلامك واذا نفذوو وقعدو عاقلين عطيهم الايباد
ونفس الشي قولي شوف للكبير اذا تعاوشتو عند الناس ولا سمعتو كلامي ماعاد بنروح لهم ونقعد بالبيت عقاب لكم وخلي اولادك يفهمون عليك من نظره خلك جاااااده معاهم اذا غلط عطيه نظره الغضب هههههه بس لاتضخكين خلهم يعرفون انك خلاص عصبتي والي سوه غلط ولا تكلمينهم وقولي انا زعلانه عليك لين يجي يتاسف منك وبعد مايتاسف كافئيه قولي شفت عشان انت شاطر وقلت حق ماما اسف الحين بطلعك الالعاب واشتري لك لعبه الي تبيها وفعلا روحي وطلعه مكافئته له وستري له لعبه لأنك اذا كذبتي عليه ماعاد بيصدقك ولا عاد يتفرق معاه
خلي كل تركيزك على الكبير هو القدووه لهم حاولي اُسلوب الضرب ماتستخدميه جربي اُسلوب الحرمان
بتمشي معاك ان شاء الله وقولي شوف افلان طفل من عمره يسمع كلام امه ولا يصارخ امه توديه الالعاب عشان هو شاطر ومن هالكلام ازرعي بينهم حب المنافسه على الصفات الحلوه وعلمي ابوهم إنكم الثنين تستخدمون هالطريقه ماينفع واحد كذا ولا كنك سويتي شي

الله يعينك ويدبرك طولي بالك عليهم
ترى ابوهم هو الصح هذول اطفال اش يفهمهم
انت نظمي نومهم ووقت اكلهم انت تكوني معاهم
تعلميهم كيف ياكلوا والصغير انت اكلي بنفسك
قبل ماتاكلي انت وزوجك يسير لاجاء زوجك خلاص هما شبعانين تجلسي انت وزوجك مروقين على سفرة الاكل
البيت خلي تجيك شغاله اللي بالساعات مرتين بالاسبوع تشيل عنك شويا
قفلي كل غرف البيت خلي لهم الالعاب يابغرفتهم او بالصاله وحتى الحمام واحد حمام يستخدموا
اذا نظمتي يومك يتنظموا اطفالك مع الوقت وتعالي لهم بالسياسه ياحبيبي ياقلبي انت البطل انت الشاطر والعبي معاهم وشغلي لهم قناة سم سم
مره كويسه للاطفال
وعليك بالدعاء لهم بكل وقت حتى لو تعبك واحد منهم قولي الله يصلحك الله يهديك
والله اولاد بنتي عندها غير وعندي غير
هيا ماتتحملهم لدرجة تبكي منهم وانا اشوفها تهول
الموضوع مافيهم هذاك الاذى الزايد لكن بنات اللحين يبغوا الشي كن فيكون
انا اتعامل معاهم واتكلم معاهم كانهم كبار
مثلاً اذا بداء ياذي اجيلوا بالكلام الحلو واسايسوا
واعطي مثلاً شغله عند اش رايك نسوي هذه سوا
اطلعهم الحوش يسوا معايا الزرع يعني
والله يفهموا وصاروا يعرفوا الشي اللي ماابغاهم
يمسكوا واذا احد فيهم خرب يجوا يشتكوا الثانين
وهما كلهم اولاد ومعروف الاولاد حركين اكثر
بنتي تقول ليش عندك ماهم زي عندي اقولها انت ماتبغي تفرغي نفسك لهم وتتعبي معاهم شويا
تبغي الشي كن فيكون
وبالنسبه لخرجتك عند الناس لازم زوجك يساعدك
اذا اولاد وبنات انت خذي البنات وهو يمسك عنك الاولاد اللين تخلصي زيارتك او يمسك الكبار والصغير مره يكون معاك
اتحملي ياقلبي ومع الدعاء كل شي يهون وايام تمر وتصير من الماضي وتشوفيهم رجال كبار وبنات عرايس وتفرحي فيهم
كل مافي المساله شويت صبر لاترهقي صحتك
وتحرقي اعصابك عشان اطفال مايفهموا طولي بالك
والله يهديهم لك ويصلح حالهم ويريح بالك

عيالك باقي صغار... دايم لعبيهم ألعاب حركيه واشغليهم ببعض الالعاب مثل الرمل و الألوان والصلصال والمكعبات... وخليك هاديه ترا أولادك بياخذون منك كل شي تسوينه وأولها العصبيه والنرفزه
ابعدي عنهم الحلوويات والسكريات تراها تسبب نشاط وفرط حركه..