انا وياه لنا اسبوع مانكلم بعض

بسم الله
بنات انا طفشانه وتعبانه وع وشك ولاده ومحددين لي قيصري وهذي اول مره اسويها يعني نفسيتي تعبانه الله يسهلها علي وكلها اسبوعين واروح لاهلي فديرتهم وااولد عندهم
المهم انا وزوجي لنا اسبوع مانتكلم ومطنشني نهائي مع ان مو طبعه بالذات اذا كنت تعبانه
انا الى الحين ماكملت اغراضي وكل ماكلمه يقولي طيب بعطيك ان شاء الله بالعربي مو مهتم مره وكل ماقوله شي يقولي هذا مو لازم وانا والله ماتكلف حدي مفرش وملابس لي ولطفل واغراض صيدليه يعني اشياء عاديه
وانا اكلمه اني ابغى من قبل هالايام لاني عازفه المصاريف مع العيد وكذا وهو طيب ومطنش او مستخسر يعطيني شي
اخذت من امي مبلغ ورحت السوق قبل اسبوع مشينا متاخر اصلا وهو جالس بكل برود وع اقل من مهله يلبس انا عصبت بس مسكت نفسي وخرجنا وتخاصمنا فالسياره ورجعت البيت انا خلاص انهرت وجلست ابكي وطفشت بولد وانا مااخذت شي وجلسنا نتخاصم فالسياره وهو يقولي اسكتي
رجعت البيت وهو راح عادي مع اصحابه وانا فحالتي الصعبه وتعبانه قمت ارسلت له ع الواتس اني ماعاد ابغاك ولا تراعي لاحمل ولا تعب ولاتصرف تبي اطفال بلاش
قام ارسل بتسلف لك مبلغ واعطيك واذا انتي ماتبغيني انا ابغاك انا اتوقع انه ارسل كذا مجامله وعشان يسكتني
ومن بعد ذاك اليوم لاكلمته ع الاغراض ولا كلمني ولا ناقشني فشي ولا حاول انه يعتذر ع كلامه البايخ فالسياره عايش ع جواله ونوم بس
ارسلت له رساله قبل امس وهو في دوامه انك انسان ظالم ولاتقدرني ولاتصرف علي ومقصر وانا متحملتك ومارد علي زي الجدار
ماقلت لكم اني لمارجعت البيت منهاره اخذت جوالي وانا ابكي وكلمت امي وقلت لها انا ماعاد ابغاه مايصزف ولا يعطيني شي ومقصر فكل حاجه من لبس واكل للبيت وانا صادقه ماكذبت قامت امي تهديني وتقولي انا متكلفه باغراضك حقت النفاس كلها اذا هو مايبغى يعطيك لما كلمت امي كان برا وسمع وانا مانتبهت انه موجود قام جاء وقال لاتظلميني يابنت الناس انا مامعي
هو صح مامعه بس حتى لو صار معاه مايذكرني بشي يشوف في حاجات اهم مني ولايعطيني مبلغ مايكفي
ولايذكرني لابهديه ولا غيره ولا العيد مايجيب لي شي
يعني من جد احس اني عنده ولا شي
ومره امزح معه قلت وش بتجيب لي بعد الولاده قال مدري يمكن ولا شي رفع ضغطي
وش الحل بنات اجلس مطنشته مابغى اكلمه وانا ماغلطت عليه
وكيف اخليه يشتري لي اللي ابغاه غلطتي اني راعيت ظروفه زياده