انا الحمد لله بخير....مغير اضرب اخماس بأسداس
واتفنكر في حياتي الهانئه مع ابو الهنا (جوزي)
تدرون يابنات ....
ياكثر ماقريت من مواضيع في المنتدى عن طرق التعامل مع الازواج
وطبقت بعضها ...
البعض جاب نتيجة...والبعض كمان جاب نتيجة بس نتيجة
المهم اني قررت اكتب لكم بعض من تجاربي الشخصية
وبديت استعد لرمي سهامي
انا اول ماطبيت في ذا المواضيع لفت انتباهي ..(**كوني غامضة**)
وشفت ها النصيحة مكررة بكثرة وقررت اكون غامضة مع انه صعب عليه
لأني وانا اختكم متحدثة مفرطة ويا الله اني اقدر اصك حلقي واقعد بدون هذرة
في البدايه بغيت اروح اجيب نظارت شمسيه
علشان اتقمص الدور مزبوطبس يوم رجعت وراجعت تعليمات الاخوات الله يجزاهم خير
ما لقيت ذكر للنظارات ...فشلتها من الخطة
وقريت التعليمات عدل مدل
شو صار ياحزركم؟؟؟
ابو الشباب صحي من النوم وراح المسجد ويوم رجع من الصلاة واحط القهوة
ويتقهوى الغظنفر وانا ملتزمة الصمت...ويتابع القنوات الاخباريه وانا على غير
عادتي سادة بوزي
سألني سؤال رديت بإبتسامة على قد السؤال ...
ساكته وانا حالتي حالة ودي اسولف بس اقول معليش يارورو
استحملي في سبيل الغموض والسعادة الزوجية
قعدت اناظر للبعيد وكأني سرحانه وارسم على وجهي المليح ابتسامة وكأني اخطط
لشي
النشمي ناظرني وقال اش فيك؟؟!!
فيه شي؟؟
وبابتسامة قلت : لا ياحبيبي مافيه شي
وبدء يسولف معي على غير العادة
ف العادة انا اللي اسولف لين ينبح حلقي وهوه سكتم بكتم
وطبقت التجربه كم يوم صار يسولف اكثر...
اثاريني كنت كاتمة انفاس ابو الشباب بسوالفي ومو معطيته فرصة يسولف
ولسان حاله كان يقول (( عط سداح فرصة )) بس ماكنت منتبهه
بس تدرون لما تحسن الوضع شويه وصار يسولف نسيت الغموض وخرابيطة
ورجعت ديمه لعادتها القديمة
ورجع زوجي للصمت
....بس معليش ياجماعة الخيريعني لازم اسكت علشان يتكلم ولا يسكت علشان اتكلم!!!
خل يسكت واتكلم انا دام الوضع كذا مقدر اسكت ...مقدر ...
بموت وانطق وانا في عز شبابي
واحنا الحريم مثل ما انتو عارفين مانقدر نسكت
المهم ياحبيباتي ....
قلت اجرب شي ثاني يبسط زوجي وفي نفس الوقت مايحرمني من الكلام
وما لقيت احلى من اني اصير شهرزاد...واسوي زوجي حبيبي شهريار
وبها الطريقه اسولف على راحتي وقد ما احب
وبديت كل ليلة احكي له قصة وكانت البداية مع 3 قصص لقيتها في موضوع وحدة
من الاخوات الله يجزاها خير
اكيد قريتوها ...وبتعرفونها اذا ذكرتها بس نسيت اسم الاخت الله يجزاها خير
اللي تذكر اسمها ياليت تذكره وادعو لها الله يسخر لها قصصها افادتني
المهم ياحبيباتي
اول ليلة قلت له قصة الفقير والحلاوة الطحينية انبسط وضحك من قلبه
وكانت ليلتنا فل الفل
الليله الثانيه قلت له قصة المنحوس منحوس وهذي كمان ضحك وضحكنا سوى
وفرفشنا وكل امورنا والحمد لله تمام
الليله الثالثة قلت له قصة مؤتمر النمل وكنه مل مني انا ووجهي ...
بس ضحك مجامله ....
الليله الرابعة قلت بقول لك قصة جديدة ...
تدرون اش قال؟؟؟
قال أي قصة؟!! قصة اللي يسهرون طول الليل وفي الصباح يصحون ويروحون
الدوام متأخرين
....هههههههههههههههههههههه)هوه يضحك وأنا اقول...اهئ...اهئ ...اهئ..
.يا خيبتك ياشهرزاد 2008اش رايكم يابنات؟؟؟
انا قريت وحدة تقول كوني طفوليه...
وقررت اسويها واستقبله في ليلة من الليالي وانا لابسة هيلاهوب وردي
واعبي شعري شباصات
والبس فستان قصير...
صدقوني بسويها ان شاء الله واقولكم اش رح يصير
ادعو لي من قلوبكم ان الله يحنن قلب زوجي عليه ويحبني اكثر وحدة في العالم
وثانيا تراج رجه مع هالون الى راحت ععيوني وانا اقراها يس علشان اسلوبك حلو قريته شسوي
ثالثا خليكي ع ماقلتي عط سداح فرصه وتسلمين با الغاليه عفوا با شهرزاد