انا و البويه المطفيه .. البويه المطفيه و انا

من يصدق انا على سن ورمح ادخل قسم التنظيف و التنظيم
فيه عالم لو يشوفوني هنا مايصدقون .. لاني من الد اعداء التنظيم خخخخ

عموما مثل ماهو باين بالعنوان
صبغت بويه مطفيه وبلشت.. العمال يوم جو بعدها يزينون الكهرب توصخت البويه بقعت يدينهم بالجدار
وش اسوي .. شلون انظفها .. خذت فوطه بليتها شووووووي بمويه وحاولت امسح الاثر بس ماراح وماتغير
وبما اني توني اعدل بالغرفه خذت البويه باقي منها شوي و صبغت فوق اثار يدينهم الوسخه بمكان للتجربه
لكن ونفس الشي مازال واضح

بالله وش اسوي
هل من طريقه لتنظيف البويه المطفيه
قمة القهر توني مابعد خلصت الغرفه بس البويه وتوسخت اجل بالله لين استقريت فيها وش بيصير

عطوني حل رجاء .. قمت اهوجس اعيد صبغ الغرفه قبل احط اثاثي فيها ويصير صعب بعدين تغيير البويه