انا و صديقتي💔

السلام عليكم و رحمة الله و بركاته
كيفكم عسولات ؟ حبيت اخذ رايكم حوائيات
صديقة العمر زعلانه علي و حابه اشوف هل الموضوع يستدعي كل هالزعل و وجهوني لان نفسيتي تعبانه
صداقتنا تقريباً من عشر سنوات صداقه قويه جدا و من اروع م يكون يوميا نتواصل مع بعض ولا تقصر ابد معاي وقفت معاي وقفات م انساها لها وانا اشوفها زي اختي و اكثثثثثر وربي لدرجة فيه اشياء هي تعرفها عني اخواتي ما يعرفونها .، انسانه نادره بكل معنى الكلمه

الزبده انه بشهر 8 كان عيد زواجها و انا وعدتها بمبلغ بسيط كسلف و هي كانت محتاجته المهم كلمتها قبل عيد زواجهم بيومين و قلت لها بحول لك المبلغ بهاليومين قالت اوك انتظرك المهم اعطيت اخوي المبلغ 3000 ريال ع اساس يحولها المهم احنا بمحافظه و دايم الايداع عندنا معطل اول يوم حاول يحول لها اكثر من مره و كان الايداع مقفل و اليوم الثاني و الثالث نفس الحكايه اتصلت عليها ولا ردت و بعدها ارسلت لها قالت خلاص معاد تحتاجها اخذت من اخوها و قمت و شرحت لها الوضع و حلفت لها و على بناتي و تأسفت منها بس حسيتها انجرحت وانا تضايقت بس وربي ماكان بيدي ويشهد الله علي ي بنات انه اكثر من مره حاولت ولا فيه مجال و بوقتها هي كانت مسافره ولا كان بنفسي وديت المبلغ لها هذي كل السالفه.. هل غلطت انا ؟ و اذا غلطت كيف ممكن اصلح غلطتي و صراحه انا تعبت نفسيا لانه حرام كل شي كان بينا ينتهي عشان موضوع انا اشوفه تافه زي كذا و لعلمكم من ذاك اليوم الى هذا اليوم ما صار بينا تواصل و حتى مريت بكذا مناسبه م كلمت ولا ارسلت بعكسي

اسفه طولت عليكم بس منقهره ولا ابي صدقاتنا تنتهي 💜