طيب بيتك نوع ايه شقه مكون من كم غرفه والا بيت طابقين علشان يكون مكركب ؟؟؟

غاليتي
انت بدأت بالخطوه الاولى اعترفت بالفوضويه وانك متضايقه منها
طيب ايش الحل؟؟
انت ماعندك اطفال يعني الشغل قليل
اولا البيت مافيه غير انتي و زوجك يعني ماراح تحتاجي الكنس كل يوم (كل يومين او ثلاثه كنسي البيت)
واليوم الي ما يكون عندك كنس فيه امسحي الغبار
والحمام فرضا كل مادخلتي الحمام اشطفيه وراك شطف سريع وامسحي المرايه وحطي مطهر
وغرفه النوم رتبيها في الليل قبل ماتنامي فلما تقومي الصبح مايبقى غير السرير فرتبيه قبل ماتطلعي من الغرفه
غرفه المعيش كمان رتبيها وزوجك خارج مثلا حطي ببالك اول ما يخرج زوجك من الباب عليك تنظيف غرفه المعيشه
مباشره
وهكذا .........



واهم شئ الاراده الاراده ثم الاراده
ولا تنسي اذا بقيت على كذا كيف حتكوني قدوه لاطفالك تغيري قبل ما يجوا على الدنيا لان التغيير الان اسهل
وتحيتي لك

الشايبه ياعمري عليك انا بيتي دور واحد فيه 4 غرف وحمامين ومطبخ ومخزن

وماعندي مكركب الا غرفة النوم والمطبخ والمخزن والباقي مية فل وعشرة

شذى المدينه الله ينور لك طريقك ويرزقني ويرزق كل محرومة مثلي الذرية...انا لي 4 سنين ماخلفت:(

ومشكورة عالرد الحلو والنصيحة الحلوة ياعسل:27:

الله يعينج اختي شوق الورد
كلنا ننعفس بس المشكله انا عندي ثلاثه الله يخليهم لي مايقصرون :06:
دايما وراهم وراهم بس طفشوني لازم اعيد وازيد مليوون مره عشان يرتبون
جربت اعاقبهم حرمتهم العابهم والطلعه بس بدون فايده يسمعون الكلام شوي ويردون
جربت وجبت شغاله لكن لا تصدقين الشغل بيدينج انتي والله غير لانه بيتج وتعرفين له
وكانت مشكلتي نفسج انه بيتي شقه ومااأخذت راحتي بالمره حتى ابو العيال تضاايق واول
ماراحت قال ياسلام فعلا حريه أحسن شي تجاهدي وتستعيني بالله وتدعين انه يساعدج
واول ماتبدين بشي قول بسم الله الرحمن الرحيم وانتي تشتغلين استغفري ربج وسبحي صدقيني طريقه حلووه
انا جربتها >>ألا بذكر الله تطمئن القلوب << وسامحيني طولت بس اني حبيت افيدج باللي اقدر عليه لاني حاسه فيج
الله يساااااعدج يارب وتتخلصين من ها المشكله وصدقيني حاولي تخلصين شغلج اول باول وماتراكمينه هذي احسن طريقه انا جربتها وماينعفس البيت عندي الا من الاطفال الله يعينا عليهم بس انتي اهون ماعندج اطفال الله يرزقج ويرزق كل وحده يارب السموحه منكم طولنا :time:

فعلا مثل ما قالوا الاخوات 1-الاستعانة بالله 2-التنظيف اول باول يعني لا تخلى النحاس في المطبخ يتراكم عليك مثلا علبال ما تطبخي او تستني حاجة على النار اغسلي كم حاجة وهكذا
3- قسمي الشغل جيبي ورقة وقلم واكتبي الشغل اللي عندك وقسميه على الاقسام التالية 1- شغل يومي (واكتبي الاعمال اليومية مثل ترتيب غرفة النوم وكنسها غرفة المعيشة.......الخ
2- شغل كل يومين مثل الغسيل والكوي تمسيح المرايا وتسريحة غرفة النوم وملحقاتها ..وهكذا الاشياء الي يبغالها نظافة بس مو يومية
3-شغل اسبوعي مثل غرف الضيوف وحمام الضيوف والمخزن والاماكن الي ما تستخدم دائما
4-شغل شهري مثل تنفيض دولاب المطبخ وغسله من الداخل والخارج وكمان لا تنظفي الدولاب يوم واحد قسميه على حسب راحتك وتنظيف المراوح والشبابيك وهكذا
استعيني بالله وحاولي انك تشجعي نفسك وشغلي المسجل على حاجة تفيدك علشان ما تطفشي خلي وقت شغلك لما زوجك مو موجود واستعيني بالله واسئلي الله التوفيق