اهلين ياحلوات .....
قبل شهرين شفت موضوع عن خلط الخل والصابون بنسب متساويه للمواعين وباستخدامه تستغنين عن الكلوركس وعلى طول طبقت وسويت
للمواعين كاس خل+كاس صابون الصحون...
وللحمامات كاس خل+كاس العملاق الاخضر...
وخلطتهم وصرت استخدمهم ,ومن جد كانت رائعه بالتنظيف الحمامات لونها ابيض وماشاء الله تلق وانا موقفه الكلوركس من شهرين
ومغسلة المطبخ تلمع ولااحتجت الكلوركس
والمواعين مافي كلام رائحة البيض والبصل والتونه و....تختفي من المواعين واذا لاحظة بعد الغسل فيه ريحه اطلع الرشاش وخالطه فيه ثلاث ارباع العلبه خل+الربع صابون الصحون
وهي طريقة صاحبة الموضوع الله يوفقها وارش واكمل غسل وتختفي على طول الريحه
بصراحه القزاز والملاعق تلمع والصحون الصين نظيفه ,واللي استخدمه لتسخين الحليب نوعه استيل يلمع والشي اللي كان مريحني ان الكلوركس كل الشهرين اللي فاتت ماستخدمته نهائي والحمد الله راح الصداع اللي يسببه الكلوركس لي.
الى هنا تمااااااااااااااااااااااااااااااااااااااااااااااام
لكن لاحظة القدر اللي استخدمه يومي +قدر الضغط اللي ستخدمه بأستمرار بدت فيهم زي الحفر الصغيره في ارضية القدر من الداخل وصار لون الحفر غامق(يعني الطبقه الخارجيه بدت تروح)
:( :icon33: ونوع قدوري معدن(المنيوم)واستغربت وقمت فركت القدور بصابون الوزير بقوه لكن مافي فايده,
المهم صارت قصه دقيت على اختي لاني انا وهي قدورنا نفس النوعيه وقالتلي قدورها سليمه.
طبعا بعد الاستمرار بالبحث اكتشفت المتهم الوحيد بالقضيه <<<<<<<< كنن على غفله
اللي هو الخل لان القدور مهب جديده استخدمها لي فتره ولا صار لها شي الا بعد استخدامة.
فحبيت انبهكم ان الخل يأثر على الالمنيوم فأنتبهوا لقدوركم , والمشكله بالموضوع مهب شكل القدر لا المشكله ان الالمنيوم بالطبخ غير صحي مابالكم لاتغير الشكل اتوقع الماده الخطيره صارت تطلع بسهوله مع الطبخ لان الطبقه الخارجيه انحكت.
وطبعا قررت الالمنيوم من قدور وصياني استخدم لها الكلوركس والباقي عادي استمر على الخل .
واللي قدورها تغيرت نصيحه لاتستخدمها الصحة غالية وماتعوض بثمن.
واللي خلاني احرص على كتابة الموضوع اني مدحت ونصحت بأستخدامه لجميع المواعين في بعض ردودي وانا الى الان انصح فيه وادعي للي دلتني عليه بس انتبهوا للالمنيومم.
كرفاسه @krfash
عضوة فعالة
يلزم عليك تسجيل الدخول أولًا لكتابة تعليق.
أمطارالخير
•
جزاك الله خير على التنبيه
حريره
•
جزاك الله خير ياكرفاسه
من جد خبر مو زين لأني كنت احب استخدمه يختي يخلي الدنيا تبرق
بس يلله معوضه خير حبيبتي
بس وش اخبار راعي (الططاطم)
من جد خبر مو زين لأني كنت احب استخدمه يختي يخلي الدنيا تبرق
بس يلله معوضه خير حبيبتي
بس وش اخبار راعي (الططاطم)
الصفحة الأخيرة