السلام عليكم
لاحظت شي في المنتدى
ومضايقني والله من زمان بس ماعرفت شلون ابدا فيه
وهو إن كل اهتمام حواء او اغلبه منصب على زوجها
كيف ترضين زوجك
ماذا تهدين زوجك
ماذا يحب زوجك
زوجك زوجك زوجك
واشوف الموضوع تطور لاهل الزوج وام الزوج بعد..
والا سماء كثير منها مضاف لها كلمة زوجي..
حتى قسم الحياة الاسرية صاااار كله عن العلاقات الزوجيه
كان من الاولى يكون اسمه قسم الحياة الزوجية (الخاصة) والا هم مومن بقية الاسرة ؟؟
والمكان كثير اشوف المكان بعد مضاف له كلمة زوجي واحيانا أبنائي
كل اهتمامنا بالزوج وبأهله وهذا الشي طيب ومطلوب وظاهرة صحية
و ماختلف معكم وما انتقص حق الزوج ابدا
بس فيه ناس لهم الحق الكثير الكثير
كأننا تجاهلناهم تمام وهم ((الوالدين))
من النادر مانشوف موضوع يتطرقلهم
لرضاهم
لهداياهم
للي يحبونه
واللي يكرهونه
واللي يتمنونه وينتظرونه منا
كيف نعاملهم وكيف نكسبهم ((والا ظمنا كسبهم؟))
قليل ماشوف حبيبة ماما او دلوعه ماما ا قلب ماما
وماشوف المكان حظن ماما او بابا...
ولا التوقيع دعاء لهم ولا كلمة عرفان لهم
هذا جزائهم...
المفروض على الاقل فيه قسم خاص بالمواضيع اللي تتعلق فيهم
في برهم وصلتهم ورضاهم
عرض مشاكلهم ومحاولة حلها
والبعد عن الجحود وعقوقهم
الدعااااء لهم واهم شي الدعااااء لهم
نحاول على الاقل نوعي بعض وننبه بعض ونساعد بعض
نحاول نرد الجميل وماراااح نرده ولا راح نقدر بس نحاول....
اكيد اكيد مافي احد منا ناسي هالشي او متجاهله بس ليش مانثبته بالكتابة
قد يكون عمل خير واعانه على الخير ويكون اجرها اكثر بكثير من اشياء اخرى صبينا كل اهتمامنا فيها
ولا راح اعد لكم حقوقهم علينا لانكم ادرى مني فيها
بضرب لكم مثال في مواضيع الجمال
اكيد كل وحدة منا تهتم بجمالها ونظافة بشرتها مومحتاجة احد يقولها (نظفي بشرتك) بس لو جيتي للمنتدى ولقيتي طريقة احسن واظمن واسهل ((وتحقق الهدف اكثر)) لتنظيف البشرة
اكيد بدون تردد بتسوينها
وهالكلام ينطبق تماما على الوالدين طلبي هو تثبيت حقهم بالكتابة للتنبيه والتذكير والتطوير
اخيرا
انا مازكي نفسي ولا ادعي المثالية
بالعكس انا مقصرة معهم ويمكن اكثركم احسن مني بكثير
بس هذا الكلام اللي انا كتبته تنبيه لي قبل مايكون لكم
اتمنى ماحد يفهمني غلط
اللهم ارزقني واياكم برهما ورضاهما
وارزق الاحياء منهم العفو والعافية والاموات منهم الجنات العالية
دلبي @dlby
محررة
يلزم عليك تسجيل الدخول أولًا لكتابة تعليق.
الصفحة الأخيرة
وارزق الاحياء منهم العفو والعافية والاموات منهم الجنات العالية
جزاك الله خير