السلام عليكم ورحمة الله وبركاته
اليوم - بعيد الشر عن اطفالكم يارب - كانت بنتي بتموت عليّ!!!!
بس رب العالمين نـــجّاها ..
القصة حبيباتي ..
بنتي عمرها 3 سنين
كانت تشرب موية وهي متكئة على جنب لانها تبغى تشرب وتكمل نوم ..
وفجأة قامت تمسك بطنها وتصرخ من الألم !!
وبعدين سبحان الله كانت كأنها تلفظ انفاسها الأخيرة ..والله يابنات انا قمت ارتجف واصرخ واحركها يمين ويسار واغمى عليها تماما !!!
جا ابوها يحركها يدخل يده في فمها والحمدلله رجعت تنفس شوي شوي لما جلست تبكي !!!
الحمدلله
الحمدلله
الحمدلله
ما تخيلت انها ممكن تعيش ...
بجد ساعتها انهرت وصرت ابكي بدون شعور ..
حبيباتي ..
اتوقع ان اللي صار لبنتي اليوم ان الموية دخلت في مجرى النفس بسبب الجلسة المايلة اللي كانت جالستها !!
والمفروض الاكل والشرب ما يبغالها نطنطة ولعب وتمدد ..
فياليت نحرص على ابنائنا أكثر من هالناحية ونركز عليهم وقت الاكل انهم يتبعون سنة الرسول عليه الصلاة والسلامـ ..
1/ التسمية قبل الأكل ..
2/الأكل باليمين ..
3/ الشرب شوي شوي وعلى دفعات ونعلمهم كيف يآخذون نفس بين كل شربة والثانية
4/ الاعتدال وقت الأكل والشرب ومهما كان حتى لو كان نايم جلسيه زين عشان يآكل او يشرب وهو مركّـــز !!
×××××××××××
يمكن تكون المعلومات اللي ذكرتها مافيها شي جديد لكنها مجرد تذكير ..
لاني-والله العالم -ما ودي يتكرر معاكم اللي تكرر مع بنتي لما سمحت لها تشرب متكئة ونايمة !!!
والله يحفظهم لنــــا من كل شر ومرض ..:04:
اللهم آمين ...
منقــــــــــــــــــــــــــــــــــــــــــــــــــــول
عابرةسبيل222 @aaabrsbyl222
محررة برونزية
يلزم عليك تسجيل الدخول أولًا لكتابة تعليق.
يسلمو عالنقل وجزاك الله خيريسلمو عالنقل وجزاك الله خير
يسلمو عالنقل
وجزاك الله خير
وجزاك الله خير
الصفحة الأخيرة
وجزاك الله خير