اسال الله ان يجمعنا في جنة الفردوس جميعاً يااحلى صحبه ويااغلى اناس
ويا افضل منتدى وياعساني ماعدمكن وحده وحده
كثير قالوا لي نوشه تضايقنا من موضوعك الاخير وقلقنا عليك ووين نوشه اللي مواضيعها حلوه وكذا
ياعرب نوشه تحس تتعب مثلكم يجيها هموم مثلكم << بالله :22:
لا والله جد حتى قلت شكلي ضيقت صدور الغوالي
طيب اذا ماشكيت لخواتي لمن اشكي ؟؟
دايم احب ارسم البسمه على وجيه الغير بس ان شاء الله انهــا سحابه صيف وبتعدي ولا تنسونا من دعواتكم يالطيبين
المهم بقولكم سالفه صارت لي امس جتنا جارتنا العجيز ياحبيلها بس
انا الايام ذي عند اهلي ياقلبي يااهلي كل ماتعبت جيتهم ولا تعافيت رجعت بيتي خخخ
يالله هو فيه احد غير الاهل يصبرون ؟
اقولكم جاتنا جارتنا تجنن كبيره بالسن ربي يعطيها طوله العمر هي الوحيد اللي تسير العصر ومن بعد صلاة العصر وهي محضره
يعني هي عملتن نادره الجيران ماعاد يسيرون الا المغرب
المهم هي عارفه اني تعبانه وكذا
جت بعد الصلاه ومعها قدورها مرقوق وقرصان بغيت اقولها ياخاله وربي فاهمه غلط تراي موب نفاس :hahaha:
يسعد قلب قلبهـــا المهم اخواتي جالسات وحريم اخواني قامت تغمزلي وتغمزلي
وانا مدري وش السالفه..!!
وش بلاها تغمزلي
اثاريهــا تبيني اجلس عندها بتقولي سر ماتبي حد يسمع ههههههههه
امي قالت روحي اجلسي عندها طبعا الكل يسولف مو يمنا
قلت لبيه ياخاله
قالت انتي راصعتن دباغ..!
يوم قالت راصعتن وانا انقززز حسبالي واطيتن شي برجلي
ناظرت مافي شي
قلت لايكون قصدها احم احم واقوم التفت الا كل شي تمام:35:
يالهي وش انا راصعه:blink:
قالت اقرربي جاي اقولك انتي راصعتن لك دباغ
والله هقوتي انك راصعه
قلت لحظه يرحم امن جابتك بالهوون علي والله مدري وش تقولين الوكاد اني انفجعت
عاد امي بغت تنسدح ضحك
قالت تقول انتي حامل خخخخخ
عجيـــــــــب اجل الحامل صار اسمها ترصع مدري وش بالله عليكم في اي قاموس هالكلمه
قلت تبين الصدق ياخاله يمين بربي انك فجعتيني وقمت انقز حسبالي واطيتن شي
قالت والله هقوتي انه تسذا مير اتفلي ابليس اللعين وتعوذي منه لقى عليك مدخل ملعون الجدف
وتغذي زين حالك موب عاجبني ورى ماتاكلين انتي هاه:angry2:
ولا طايحات بالبيبسي والفشافيش
قربي اكلي يامال العافيه قربي اكلي مرقووق << قسم بالله مانيب نفاس ياهووه
بعذرنا مانعرف المرقوق الا اذا فيه وحده والده
ياحبيلها والله العصر يمر بسررررعه اذا سيرت علينا
ويازين مسايير العصر اللي للاسف انقرضت ومعاد فيه غير تالي الليل وسمرات
وربي اذكر يوم اني صغيره لا طلعت الشارع العصر
كله حريمن يمشون رايحات لام فلان ولا ام فلان وبزارينهم معهم ماقالوا مو اتكيت ومدري وش الاطفال كانوا اذا تجمعوا يلعبون بالحوش وهاتك يالعب موب ذحين مجنه مايجتمعون الا يتهاوشون واخرتها كل حرمه تزعل عشان عيالها :09:
كانت النفوس وسيعه وصافيه
جلسات عصريه سوالف ضحك ومكسرات وبسكوت مالح الاصفر << بالله تذكرونه خخخ
يازين بساطتهن
فعجيزنا هذي لا زالت متمسكه بااصالتها وهي الوحيده اللي تطب بعد صلاه العصر مباشره
ولاسمعت احد تعبان جات بـ قدورها
ياربي اسعدها وارزق بناتها الازواج الصالحين فرح قلبها بشوفتهن عرايس
موضوع خفيف لطيف اعيد ارسم الابتسامه على وجيه اللي احبهن ولا تنسونا من دعاكم يالغوالي:(
وانتبهن زين لا يكون راصعات دباغ وانتن ماتدرن هههههههه
اقول نوشه مشتهيه مرقرق مازاد شي من مرقوقها
اي على فكر بسكوت المالح للحين عندنا مايحلي الشاي الا هو ههههههه
والحمدلل على كل حال نوششه وان شاء الله تخفيف ذنوب ومعاد تعود ههه