انتبهوااا !!..نتائج خلطات وتجارب هذا المنتدى!!

السلام عليكم ورحمة الله وبركاته

الحمدالله والصلاة والسلام على سيدنا وحبيبنا محمد عليه الصلاة والسلام

موضوعي راح ادخل فيه من اوله .. جربت خلطاتكم واستمريت وانتظمت فيها المده بالزبط زي ما كل واحده قالت والنتيجه:

1-بالنسبه للخلطه الي فيها مقادير مالها اول ولا اخر وهيا كركم صابون غار ماء ورد جلسرين زيت خروع زيت زيتون زيت اللوز المر فكس جليسوليد وايش كمان .. امكن في شي كمان ممممم !! المهم الخلطه هادي عرفتوها؟
النتيجه بعد التزام ثلاثه اسابيع يوميا يوميا يوميا .. ما اتغير فيا شي ولا شي :( ولا شي ولااااااااا شي.

الي استفدته اني صرت اعرف اسوي حمام مغربي و سبا .. يا سلام ولا احسن واحده :42: ..

2-الزيت الاخضر الفلبيني المقشر ... نفسي افتكر اسم الي قالت عنه انا مني فاكره غير انها من الرياض .. امكن اسمها غناتي او غنائي والله نفسي افتكر اسمها لانها راااااااائعه النتيجه واااااااااااو الحمدالله ماشاءالله لا قوة الابالله
وكانت كاتبه عنوان موضوعها السواد الي بين الفخوذ والاماكن الحساسه رااااح

الله يوفقها فين ما تروح ووين ما تكون دنيا واخره الله يوفقك يارب ويعطيك قد نيتك واكتر يارب. اهديك الورده هاادي:26:

3-التجربه التالته كانت مشتركه ..من عندي استخدمت صابونة الكبريت على وجهي وجسمي ومقشر نيتروجينا دييب سكرب وفي واحده برضو مني فاكره اسمها مع الاسف .. بس الي فكراه انها من الرياض برضو على ما افتكر كانت كاتبه عن مرهم راااااااااااااااااااااائع قليلة كلمة راااااااااااائع فيه وهو يشيل التقشرات وينعم ويخلي الوجه والجسم شي جوناااااان .. خرااافه والله.. الله يوفقك دنيااا واخره ويسعدك وخودي الورده هادي :26:

4- الزيت الي يطول الشعر في خمسه ايام زيت انووب .. ما طول شعري ولا مللي ولا سنتيمتر ولا شي ولا شي :(

5- فيه ناس قالو عن بيكربونات الصوديوم تزيل السواد الي في الاماكن الحساسه .. وبصراااحه وبصرااااااااحه هادي التجربه اللي ودتني في داهيه :( :09: .. مو داهيه واحده.. لا.. ستيييين داهيه روحت للمستشفى بسببها دم وصديد وافلااااام شي يخوف ماما صارت تبكي وتلطم بسبب حالتي والحمدالله الدكتوره ما قصرت ادتني ادويه الحمدالله جيده ..
والدكتوره زعلت مني وقالت فين عقلك تصدقي كل واحده !!:09:

انا جربت بدون ما احد يجبرني كانت تجاربي باختياري ,, ومو كل واحده جسمها زي التانيه .. الي ينفع مع واحده ممكن جدا ما ينفع مع التانيه وكلنا عارفين كدا بس انا حبيت انقلكم تجاربي والي صار معايا.

وفي النهايه هادي الاشياء ما تصير الا بتوفيق من الله والحمدالله على كل شئ .. الذي لايحمد على مكروه سواه..

كل واحده اخدت منها تجربه سواء كانت جيده او رديئه كلهم اقولهم جزاكم الله كل خير وربنا يعطيكم قد نياتكم واكتر يارب. الله يهنيكم ويغنيكم..
واهديكم كل الوروووود :26: ياريت اهديكم كل الورود

حاليا انا سويت تجاربي الخاصه :22: .. من اختراعي .. الله يستر بس .. بس ماراح اقولكم هيا الا في حالة كانت ناجحه بإذن الله ادعولي يارب اتوفق في الدنيا والاخره ويختملي حياتي بالصالحات ورضا والديّ يارب ويحققلي كل امنياتي وامنية كل مسلم ومسلمه يارب.

ملاحظة مهمه لوجه الله :

منطقة الفخذ زي ما قالتلي الدكتوره انها حساسه حساسه حساسه اكتر من الوجه الف مره وهيا من ضعفها ورقتها اي شي يأثر فيها لذلك انتبهوا تتهوروا وتفتروا فيها .. وكمان الاكواع والركب جداً مناطق ضعيفه..