السلام عليكم ورحمة الله و بركاته
كيفكم يا بنات ؟
اتمنى انكم تكونون بأتم صحه و عافيه يارب :)
:
سلمكم الله أمس كنا مجتمعين مع خالاتي و جدتي الله لا يفرقنا و جلسنا نسولف عن النحف و الرجيم و هذا الأشياء إلا دخلنا في موضوع حبوب التنحيف و قامت أمي الله يحفظها قالت لنا قصة وحده انها شرت من مضيفة طيران علبة حبوب تنحيف فيها 5 حبات بألف ريال يعني كل حبه بـ 250 ريال و قالت لها انها جايبتها من الصين و ان كل اللي يبون ينحفون بالصين يستعملونها و ينحفون بدون تعب و قالت خذي كل يوم حبه و بعد 5 أيام ان ما نحفتي 5 كيلو لك الي تبين !
المهم و استعملتها الحرمه 3 أيام .. كل يوم تاخذ حبه و اليوم الرابع نستها على المغسله في الحمام الله يكرمكم و جا عليها شوية مويه من الحوض و تخيلوا وش صار يوم رجعت تاخذها !!!
:
لقت الحبه منفقشه و يطلع منها دود !!! تخيلوا يا بنات يعني هي يحشونها بيض دود و اذا أكلتيها تنفقش داخلك و يصير الدود ياكل الأكل اللي تاكلينه و تنحفين ! و مع الأيام يصير ياكل أعضاءك الحيويه و تموتين ! ( الله يحفظنا واياكم )
و انهبلت الحرمه و دخلت المستشفى و سوولها غسيل معده بس نفسيتها انعدمت الله يأجرها و توفت بعد 3 شهور من السالفه الله يرحمها و يغفر لها و ينتقم من كل وحده و واحد يلعبون على الناس عشان ياخذون قروشهم حسبي الله ونعم والوكيل :icon33:
:
والله يا بنات اني ما قلت القصه عشان أحوّم كبودكم .. بس أبيكم تنتبهون ولا تاخذون شي منا والطريق لااااازم تتأكدون من المصدر و لازم تفحصون الشي اللي تاخذونه قبل لا تستعملونه .. و الله يحفظنا واياكم جميعاً ..
:
و ما أبي منكم شي .. بس أبيكم تدعون ان الله يسهل لي ولادتي و يجعلها قريبه في هالأسبوعين حتى لو مارديتوا ادعولي في ظهر الغيب تكفون يا خواتي :)
راجيـة الجنـه @ragy_algnh_3
عضوة فعالة
يلزم عليك تسجيل الدخول أولًا لكتابة تعليق.
راجيـة الجنـه
•
مافي حتى دعوه ؟ :(
حياكم الله ياللي رديتوا
أما الباقين ماكان هذا العشم فيكم .. بس أجري على الله ان شاء الله :)
أما الباقين ماكان هذا العشم فيكم .. بس أجري على الله ان شاء الله :)
الصفحة الأخيرة