انتبهوا لبناتكم ...

الأسرة والمجتمع

السلام عليكم ورحمة الله وبركاته
كيفكم حبيباتي ان شاء الله كلكم بأفضل حال وبخير ...

انا بصراحة نفسي أتكلم واوجه كلامي للامهات ..... حاولوا تنتبهوا لبناتكم بصراحة وعدم تركهم كذا على راحتهم بدون مراقبة واهتمام

مثلا اللي تقول ان طالعه مع صاحباتي مشوار ... المفروض تروحين معها ... تحس انك متابعتها عشان اذا حاولت وحدة صايعه تلعب عليها تعرف ان وراها احد مهتم فيها

للأسف البعض يستغل الطلعات عشان تطلع مع واحد والبنات يغطون عليها

مثلا الكورنيش وغيره وحضور الحفلات المختلطة !!!!
انا اختي فكرت تسجل في فريق تطوع وكذلك فيورشة للرسم والتصوير
وتفاجأت كيف الشباب مع البنات عادي ويتصورون غير انهم مع بعض بالسناب والانستغرام !!
يوميا خليك قريبة منها واقربي منها ... والله الهادي لسواء السبيل والله يحفظنا من كل شر
34
12K

يلزم عليك تسجيل الدخول أولًا لكتابة تعليق.

تسجيل دخول

عانس 1999
عانس 1999
رفع
ام ورد الورد
ام ورد الورد
جزاك الله خير حبيبتي بس لو البنت والولد بعد اتربو على الحلال والحرام ومخافة الله مارح يغلطو ومارح يصيعو واذا غلطو لاقدر الله مايقدرو يكملو بالطريق لان مخافة الله مزروعة بقلوبهم حتى لو مجتمعهم كله صايع او راعي خرابيط
اما اذا تربو على ثقافة العيب وثقافة الخوف من الاب او الام بس والله لو حطيتي مليون عين تراقبهم بيغلطو وللاسف اغلبهم بستمرو بطريق الغلط وقليل الي يصحى على نفسه
ولاحظي هذي الفئه اذا انمسكت تقول ياولي من امي وابوي ولا اذا خافت تقول نفس الجمل لان مزروع بقلوبهم خوف من الاهل مو من ربنا سبحانه وتعالى
عكس الي فيهم خوف من ربنا لو بيوم انمسك او مانمسك تلقيه يقول يارب سامحني انا غلطت يحاول يتوب وحتى وهو يعمل غلط تلقيه مو مرتاح لان في خوف من ربنا سبحانه وتعالى مزروع
الاساس التربية قبل المراقبة ربو اولادكم وبناتكم على مخافة الله مو على مخافة الاهل
ربوهم على الحلال والحرام مو على ثقافة العيب
اتمنى اكون افدتك
الرأي الحكيم
الرأي الحكيم
الواقع تغير واصبح مخيف
صارو البنات والعيال يشوفون التواصل مع بعض والطلعة شي عادي
قريبتي بالجامعة تحكيني عن اشياء تشيب الراس وبنات يضحكون على اهليهم ويطلعون مع عيال ووصلت لبعضهم يسون علاقة كانهم متزوجين
والامهات والاباء غافلين للاسف
ام سالم 88
ام سالم 88
يا اختي خليها على الله.. الله يعينا على تربيت عيالنا ويهديهم ...
ما لنا غير الدعاء بصراحه لأن لو راغبناهم 24 ساعه معناته ما بنحقق شي لكن...
علينا بوصية الرسول عليه الصلاة والسلام..لاعبه سبعاً ثم أدبه سبعاً ثم صاحبه سبعاً ] .
لا نهمل المراحل العمرية الصغيره من السنه حتى الرابع عشره.. هي الأساس لغرس القيم والمبادئ..
وردة غروب 12
وردة غروب 12
رفع