كيفكم ان شاء الله طيبين <<نخش بالموضوع
ادري فيكم مشغولين ومحتاسين مثلي بدت هالمدارس وبدت دوخه الراس :icon33:ومافي غير ذاكري يابنت وحلي يابنت لين راسي صار <<:icon32:
ومن فيكم مادجت بالاسواق خميس وجمعه بين مكتبات ومحلات ابو ريالين وشراايط وبكلالالات وشنط يووووووووووه السوق الجمعه مليااان لراس ابوه
رحت المكتبه انا وبنتى ماقدرت اشتري شي من زحمه الاوادم نفسي اعرف ليش طوال الايام راقدين ولا قالوا بكره مدارس طرنا نقضي ونطارد ونزااحم
المشكله كل سنه اقول اخر مره اقضي يوم جمعه ومرت سنه مالك على البال طاري
المهم نرجع لموضوعنا اللي شكلي خرجت عنه بقرقراات ماله داعي
انا شريت لبنتي دفتر تعليم جدول الضرب
عاد امهات سنه ثالث حاسات فيني وفالمعاناه اللي نعانيها من تعليم الجدوال وتحفيظ بنوتاتنا وعيالنا الحلوين خاصه جدوال اللي فوق الخمسه
ياليل ياعين على الخربطه
بنتي شافت الدفتر بالمكتبه وجاتني ركض والله انا اكره هالسبونج هالبوب هاذا حتى انى حذفت كل قناته بالمره <<ناكلودين المقرفه
بس قلت يابنت دامها تحبه اكيد بتذااكر من هالدفتر وبتقعد عليه ليل نهار وترسخ الجدوال براسها وتريح قلبي وصووتي اللي نبح من كثر مااعيد واصارخ واكررر في البيت
والله وماكذبنا خبر شرينا الدفتر وبنتي ياقلبي عليها رركض تحفظ جدول السبعه <<اصعب جدووول
عاد جلست اراجع لها قبل لاتنام قلت لها 7 في 9 كم
قالت 73
عاد انا شكيت بالاجابه لايغركم دلاختي بس يجي مني قلت لها متاكده قالت الا شوفي يماما بالدفتر كمان صح
عاد ماشاء الله عليه انا اخر جدول اخبر اني حافظته جدول العشره لا واخربط فيه بعد هههههههه
عاد اليووووم على الغداااء جات بنتي تقولي
ماما اتفشلت اليوووم عند الابله
قلت لها ليش <<عاد انا رازه راسي وش كبره بنتي حافظه كل الجدوال
قالت اليوم الابله سألتني 7في 9 كم قلت لها 73 وانا فرحااانه اني حافظه
وطلع غلط وتفشلت ويوم شافت الابله الدفتر حق سبونج بوب طلع غلط وصلحتلي اياه
ياماما خذي الدفتر وطشيه مااابغاه يعلمني غلط
عاد انا قولت لازم انبهكم علشان ماتوقعوا بنفس الفشله والموقف اللي صار لبنتي اليوم
الواحد لازم يراجع الاشياء اللي يشتريها <<ياعيني علينا نراجع تواريخ الانتهاااء على الاطعمه وله نراجع الدفاتر وله ايش وله ايش
وهاذي الصور شوفوها واحكموا بانفسكم
حسبي الله على كل من خان امانته وخان عمله
وهنا بعد ماصلحته لها معلمتها وصارت النتيجه 63
وسلامتكم
كتبت هالموضوع لا ارجو منه سوى الاجر والثواب من عند الله وان احضى بصالح دعواتكم
دعواتكم لي بالهدايه والثبات ولزوجي وبناتي بالتوفيق والصلاح فلا تبخلوا عليه بذلك
كلمه شكر من الاعضاااء
تدفعني دومااا للعطاء
ملحووووووووظه بعد التعديل
البنات العسولات اللي قالوا الخطاء بسيط وممكن غلط مطبعي لامو بسيط لان هااذ جدول ضرب يعني لازم يدقق ويحقق ويصحح بامعان
حفظ جدول الضرب اساسي للقسمه ولحل باقي المسائل الرياضيه طوال فترات الدراسه لو كان الموضوع قصه وله معلومه على الماشي وله خطاء بصوره بس بعدد ولا جدول ضرب بعد هنا الموضوع غييير وخطيير
طيب لو فرضنا ام غيري ماانتبهت لهالشي وحفظوه عيالها واستمرت المسائل تحل غلط بدون لايعرف السبب كيف هيكون الوضع ساعتها
ياليت قبل لانتهور ونرد نركز بكلامنا ونحترم وجهات نظر غيرنا
وشكرااا مره اخرى