انتبهوا من هالكوفيره( مدام مها)هاااااااااااام

اهلين بنات كيف الحـــــــــــــــال
انا كتبت موضوعي هذا وتحذيري والله عشان ما احد يطيح في المقلب اللي طاحت فيه صديقتي والله مسكينه من جد رحمتها وقطعت قلبي ولا مالي اي مصلحه اني انبهكم من وحده تدعي انها كوفيره حسبي الله عليها اسمها (مها حاج عيسى ) وتلقب نفسها بـ مدام مها سوريه تخيلوا يا بنات صديقتي قبل زواجها هي مو من الرياض دقت عليها تحجز قالت لها خلاص انا اصلا باجيك قبل بيوم عشان اجيلك بدري في بيتكم بس حولي لي خمس ميه عربون وضمان زميلتي نيتها صافيه على طول حولت لها .
المهم تدق عليها كل يوم خايفه تطنشها قالت لها انا ما نسيتك لا تشيلين هم الساعه 12 الظهلر وانا عندك والمفاجأه:icon33: :icon33:
يوم زواجها تدق عليها الصباح قالت لها انا باسوي الويفي وابغى حركات للشعر وصور تسريحات قالت هذي لازم اجيبها معي طلعت ما مشت من الرياض نست الظاهر كذبتها جت الساعه 12 ماجاها احد
جت وحده, ثنتين ,ثلاث, اربع. دقت عليها قالت معاليش انتي تسمعين صوتي واضح اني تعبانه وارسلت لك خواتي تراهم دارسين في لبنان وانجنت الضعيفه لانها قايله لها ان فيه بنات يبون يتزينون معي والوقت مايكفي قالت طيب وين خواتك ماكانت تدري انهم اي كلام قالت في الطريق يوم كلمتهم قالوا الحين ندور على شقه وتدرون طلعوا يكذبون صاروا رايحين يصلحون ناس معزومين على زواجها ولا جوها الا الساعه 6,00وكانت الضعيفه مشتته تجيها وحده بعدين تقول بروح اتغدى وتخلي اختها تجي صارت العروس مناوبه بينهم حسبي الله عليهم صاروا لا يتغدون ولا شي يروحون للناس هذولا والمصيبه الاكبر طلعوا ما جابوا الا الستشوار يقولون ليه ماقلتي انك بتسوين ويفي هذي وهي قايله لاختهم حسبي الله عليها , قالت احرجتوني فيه ناس تبي تتزين معي انا واعدتهم وما فيه وقت قالت وحده يروحون اي مشغل (تخيلوا الوقاحه ) ومسكينه العروس ماشافت اهلها هذيك الليله ومكياجها كان يروع مع انهم حاطين من مكياجها لان مكياجهم مغبر ومع ذلك شفطوا حق الماكياج كامل 3,000ريال بس الله لا يحللهم لانهم خذوه قبل ما يجي المعرس بشوي يعني مهيب في حالهم ولا خلصوها الا الساعه 10,00لا وازيدكم من الشعر بيت تراهم يشتغلون مصورات لدرجة ان وحده منهم تستفزها وتقول مابدك تصوري ويوم شافوا مكياجها بعد ما خلتهم يعدلونه قالوا لها ما خليتينا ناخذ راحتنا اذا سالك احد عن مكياجك لا تقولي انا مسوينه وتدرون صارت مدام مها هذي لا تعبانه ولا شي الا صارت سهرانه في زواج خارج الرياض رايحه تصلح عروس.صديقة اختي كلمتها مقالت انها امس مزينه بنت خالي
صدقوني يا بنات هذي قصه انا عشتها مع صديقتي يوم زواجها وحبيت ابلغكم والله على ما اقول شهيد اننا لازم نوقف ابتزاز الاجانب لنا ولفلوسنا لانهم داخلين والله على طمع يستغلون طيبتنا وحسن نوايانا لصالحهم وامانه اي احد يعرف وحده حاجزه هالنصابه انه يحذر منها ويوقفها عند حدها وان قدر احد يوصل لها ان البنت هذي ماتحللها وتحيسب عليها.
الا هل بلغت اللهم فاشهــــــــــــــــــــــــــــــــــــــــد