الحمدلله انكم استفدتوا
وجزاكم الله الف خير وياريت الي عندها تجربة مثل تجربتي
تكتبها عشان الكل يستفيد

الحمدلله على سلامة بنتك .. وبعدين لازم كل ام تقرا وصفة الدوا قبل لا تعطي طفلها ..

في اول تطعيم لابني كان عمره شهرين على ما اذكر .. عطوني خافض حرارة لثلاث شهور وفوق .. انا من شفته مكتوب جيه على الدوا ما عطيته اياه ..


ومرة تعرض حبيب قلبي لنوبة زكام ووديته عند طبيب اطفال ووصف لنا ادوية إلا شي للحرارة وشي للكحة وشي مضاد .. وقال إذا ما صح رديه علي .. الولد تم يسعل وكان فيه بلغم في صدره ينسمع صوته مع السعلة .. المهم رديته على الدكتور قام كتب لنا مضاد حيوي وعطانا دوا يديد اسمه موسع الشعب الهوائية .. انا من شفت الاسم اخترعت .. ياهل عمره 4 شهور تعطيه موسع شعب وليش .. كله علشان شوية سعلة ..

المهم وصلت البيت عطيته الجرعة الاولى .. وقبل ما ينام كانت الجرعة الثانية .. وعاد عقب ما عطيته تفيقت اقرا الوصفة .. طلع من اعراضها الجانبية احمرار في الجسم ورعشة في الاطراف ونشاط زايد وقلة النوم .. انا لاحظت اول شي الاحمرار ونشاط ابني غير الطبيعي .. ولما صار وقت النوم الحبيب ما يريد يرقد .. ظل تقريبا اكثر من سبع ساعات واعي مب راضي ينام .. واخر شي لما استسلم للنوم شوي وان حرارته 39 ونص .. اعطيه خافض حرارة وما ترضى تنزل .. وشوي انتبه ان الولد ترتعش اطرافه .. عاد وديته مستشفى ثاني طبعاً قالوا لي هذا من تأثير الدواء وطفل في هالعمر حرام ينعطى دوا قوي مثل هذا .. وسووا له اختبار دم والحمدلله طلع كل شي سليم .. ونصحوني استمر بس على المضاد .. انا من تطمنت على ولدي عاهدت نفسي ما اعطيه ادويه إلا للضرورة .. يعني شغلة زكام وهالامور البسيطة احاول اعالجه بالعسل والحبة السودا وهالامور اللي الواحد يرتاح لها .. حتى المضاد ما عطيته واستمريت اعالجه بالعسل لين الحمدلله صح ..

حسبي الله ونعم الوكيل الله يشفيها ولايوريكم مكروه
جزاك الله خير على الموضوع

الأميرة ميرا
الله يحفظ بنتك وما تشوف شر مسكينة والله حبيبتي
ومشكورة على التجربة اللتي نقلتيها لنا