انتبهوا يابنات من النصابين باسم السعودة

الله لايحلله ولايبارك له ..


انا نصبت علي وحده تبيع مفرزنات ولارجعت فلوسي للحين الله لايحللها

بنات اذا احد عندة علم كيف اقدر ابلغ عنه؟ اسمه كامل الرباعي عندي وحسابة البنك عندي

الله يعوضك خير

لا تتعبين نفسك حتى تبلغين طالما المبلغ مو كبير لانه اكيد يستخدم حساب وسيط يستقبل عليه الفلوس

جربي حطي رقم الحساب بقوقل يمكن يطلع تابع لشركه او وسيط


عن نفسي اتعب وانا احذر البنات من اللي يقولون عندنا وظايف ولا سعوده وفوقها يطلب فلوس وتعطونه كيف بس؟؟

النت مافي ضمان ابداً

انا توي تعرضت لنصب لكن بطريقه ثانيه والى هذا اليوم انتظر حقي يوصلني وماوصل على انه اخر موعد تحدد امس ولا شفت شي غير المماطله والوعود من شهور

ضاعت علي فوق 7000 ريال واقول الحمدلله على كل حال وحسبي الله على كل من يضيع الامانه ويخدع الناس

سالفتي مختلفه فيها شراء موقع وفلوس واستلام ملكيته .... الخ ودفعت فلوس لكن بعد كم شهر ابتدأ النصب والاحتيال والاستيلاء

هذا وانا خبره بهالمجال لكن سبحان الله غلطه صغيره او زيادة الثقه او تهاون صغير مني اني ما استلمت الملكيه قبل ادفع تسبب لي بالنصب

كلكم احذرو عالم النت بحر واسع النصابين جاهزين ومستعدين لأي شخص يلمح او يبين لهم انه مستعد يدفع مقابل انه ياخذ اللي يبيه وهذا غلط يقعون فيه بنات كثير يعلنون انهم محتاجين وظيفه وبيدفعون المبلغ الفلاني من الراتب ويصير تواصل ويضغط عليهم ويخليهم يدفعون مقدم وينحاش

لا ياعواطف ماهو باسم وسيط ولا شركة

عندي الايصال وعندي اسمة كامل رباعي ومكان الفرع حق البنك حقة

لكني خايفة هل يقدر يعرف بياناتي عن طريق حسابي اللي حولت له اولا

للاسف اللي مثلة ينسكت عنة لان كل بنت بتقول مبلغ مبسيط مايسوا اشكية واسبب شوشرة

وبعضهم اهلهم مايدرون عنهم او اوزواجهم

كثير اعرفهم تبي سعودة من ورا زوجها لايسرقها

اخرتها تنسرق من هالنصابين وتسكت

اذا انا سكت الحين بيلعب على بنات غيري حسبي الله علية حساب عسير جعلها في بطنة ناار وفاتحة شر علية