انتبهوا يا بنات تغترون بمنصب او ماده

كانت صاحبتي بتغلط غلطة عمرها
هي انسانه بالنسبه لمجتمعنا متأخره عن الزواج كلمت خطابات كثير والاغلبيه العظمى من زباينهن متزوجين حصلت مطلق منصبه كبير وراتبه ضخم وعنده بيت ملك المهم وتصر على رأيها موافقه وكلموه الحين يجي يملك
اهلها حاولوا فيها تصبر لما يسألون عنه مارضت خايفه يحصل غيرها وحنا يا صديقاتها نصحناها ماتغتر بمنصبه وتوافق على عماها من غير لا تعرف سبب طلاقه كان قايل ماعنده اطفال وهو كذاب عنده وكان يمثل على اهلها انه انسان يقدر المرأه ويحترمها وهو من جنبها سٌكر وسفريات وعنف وشك مرضي واعتدى على زوجته بضرب مبرح وحكموا عليه بالسجن وتنازلت عنه طليقته مقابل حضانة الاطفال واهله غسلوا يدينهم منه وقالوا ماراح نخطب لك ونستأثم ببنت الناس تبي تتزوج دور بنفسك عشان كذا كلم الخطابه مو معنى كلامي ان كل المطلقين سيئين او كل الي يتقدمون عن طريق خطابه ناس ماتنفع اهل البنت دورهم يسألون عنه ولا يستعجلون وهي ماتندفع وتقبل باي احد بس عشانها كبرت