اللي حصل معها تعدى مرحلة تهكير حساب
حسب كلامها ان الجهاز كله تهكر لانها ضغطت على رابط اختراق بدون لا تعرف
وقدر المخترق يدخل جهازها ويسيطر على كل شي فيه من حسابات وصور وارقام
واستغرب خبير تقني يقول الاختراق من النوادر ويصوره بالشي الصعب
لان حتى مشاهير تتهكر حساباتهم اكثر من مره رغم حرصهم الشديد
فما بالك بالناس العاديين اللي ربما ماعندهم حرص ومثل صاحبة الموضوع جاها رابط وفتحته عادي
وحتى اذا برامج وادوات الاختراق بفلوس اللي عقله ميال لهذي الامور عادي يشتري هذي البرامج ويتعلمها وربما يقدر هو يبرمجها ويطورها ويستخدم اي ثغره ممكن يكتشفها سواء بموقع او تطبيق او جهاز ويستخدمها في الاختراق

انا كنت خدمة عملاء في احد الشركات لخدمات الويب
وكنت اشوف تذاكر العملاء اللي يجون يطلبون مساعده بخصوص تهكير وحماية او سرقة معلومات دخول لوحات مواقعهم واشوف كلام المختصين اللي بالشركه عليهم وبعضهم تكون السرقه بسبب اختراق اجهزتهم ولو مثل مايقول الخبير التقني ان الاختراق صعب كان مالقينا هذي الحالات تجينا وتتكرر

الهكرز لهم عالم خاص فيهم ومخهم فيه معلومات وممكن يكونون اذكياء لدرجة انهم حتى المواقع الحكوميه يكتشفون الثغرات اللي فيها واكيد سبق سمعتي بقصص مثل هذا النوع ان هكر اخترق موقع حكومي وكتب صفحه بالموقع ان فيه ثغره ثم سجنوه كعقاب

يعني الخلاصه لا تأمنين كثير وخليك حذره في التعامل مع التكنلوجيا والله يحمينا وياكم ويستر علينا وعليكم