زهرة القــmــــر @zhr_alkmr_1

عضوة

انتبهوو..من الديتول...مطهر اليدين/// قديم

منقول للفائدة يا جماعة هذي تجربتي الشخصية من صج!!!!!! وليست إيميل, شوفوا الديتول شنو سوى بطاولاتي ما راح تصدقون هذا هو الديتول اللي أنا أقصده طبعا اللي يحب (ايكيا) راح يعرف هذي الطاولات موديل 2009 وعددهم 3 طاولات شوفوهم ولاحظوا شلون مكسرين, يمكن راح تستغربون لما أقولكم ان هذي الطاولات جديدة وتوني شاريتهم من ايكيا من أسبوعين ولا استخدمتهم إلا مرتين !!!! اللي حصل اني كنت معزومة على عرس وكانت بنتي (عمرها 3 سنوات) تحوس جنبي وجنب الطاولات وأنا أحط الميك الأب وأستعد للعرس , ورحت العرس وطاولاتي ما كان فيهم شي!! رجعت من العرس شفت الطاولات مخدشة ومكسرة وكان الوقت متأخر عشان أسأل الخدامة شنو اللي صار!! قلت أسألها بكره الصبح, والصبح سألتها عن الطاولات وليش مكسورين ؟! شفت الدهشة والصدمة بعيونها لما شافت الطاولات! وخدامتي وايد أمينة وصادقة , قالتلي : مدام ما صار شي أمس وغرفتج محد دخلها !!! ما دققت وايد معاها وتركت الموضوع, وقمت أستعد عشان أتريق بالأفنيوز مع بنتي وأنا أستعد للطلعة شفت بنتي سوت نفس التصرف اللي سوته وأنا كنت أستعد للعرس!!!!!!! وانصدمت وقلت معقولة يكون هذا السبب!!!!!!!كانت تضغط على علبة الديتول وتاخذ بإيدها من الديتول وتحط على الطاولات تبي تنظفهم !!!!!!! تذكرت انها سوت نفس الشي وأنا كنت أستعد للعرس!!!!!!كانت فيه طاولة منهم بعيدة وبنتي ما قربت صوبها , قلت أسوي التجربة وأتأكد بنفسي شوفوا الطاولة شلون كانت جديدة وما فيها شي, طبعا حطيت عليها من علبة الديتول نفسها . شوفوا بعد (15) دقيقة شنو صار بالطاولة وشلون ابتدت تتخدش وتتكسر!!!!!! لإنها شفافة قمت حطيت تحتها مخدة عشان تصير واضحة بالتصوير شوفوا بعد (20) دقيقة شنو اللي صار!!!!!!! هذي الطاولات بعد مرور 4 ساعات شوفوا شنو صار فيهم!!!!!!! انكسروا !!!!!! كل هذا من الديتول !!!!!!!!!! انا انصدمت !!! والله يا جماعة انا صادقة معاكم بكل حرف قلت لازم أصور اللي صار وأسوي تعميم على هذا المنتج!!! إذا كان يسوي جذي بالطاولات شلون تأثيره على جلدنا وخصوصا أنا كنت وايد أستخدمه على يد بنتي , والحجم الصغير منه كان ضروري لما كنا نطلع كنت أحطه في شنطتها !!!!!!! شنو هذا !!!! وشلون صرحوا لمنتج بهذي السلبية والقوة انه يكون للإستخدام الآدمي!!! وماكو تحذير !!!! بصراحة أنا قطيت كل العلب بالزبالة (عزكم الله), والحين خايفة ان يكون سوى ضرر على بنتي , ضرر داخلي !!!! L الله يستر يا جماعة ضروري ضروري سوووووووا forward للإيميل هذا وحذروا كل معارفكم جزاكم الله خير. اللهم بلغت اللهم فاشهد

هذا الموضوع مغلق.

مضاوي الحلوة • 15 سنة

بصراحه مااصدق مااتوقع ابد معقم اليد كذا ووالسالفه اختي مو لعبه لو يضر ماحطو بالمستشفيات ووين جمعيه حمايه المستهلك اكيد يعني كشفوا عليه ولا ماانتشر وصار بكل مكان تأكدي اختي من كلامك لأن هذه السالفه فيها قطع ارزاق حرام بيقعد هذا الكلام في ذمتك

اختك مضاوي

زهرة القــmــــر • 15 سنة

خسارة ما عرفت انزل الصور كنت ابوريكم هيا

قولو لي كيف...؟ جربت من من التحميل قالي لازم تكوني vip

بنــان • 15 سنة

بصراحة انا ما أصدق بمعقمات اليدين المتنوعة واللي شركاتها مي معروفه

لكن ديتول معروف ومن زمان والناس تستخدمه

غريبة والله

احلام المحيط • 15 سنة

حسبي الله ونعم الوكيل معقول الديتول يجفف ويكسر!!!!!!!!
بصراحه خوفتيني حتى من الديتول العادي كل شي صار غش وكذب واذيت المسلمين
ياريت تنزلين الصور مره ثانيه لانها ما طلعت
وجزاك الله الف خير

توتوالدلوعه • 15 سنة

لاان شاء الله
ماراح يسير شي لبنتك
ولاتتوهمي
عشان لاتتعبي
والحمد لله
انك خرجتي هادي المنتجات
والله اني دايمن احس اني لمن
اغسل في يدي تسير
جافه
جدا جدا وكنت ما افكر
لانه منتج معقم
الله المستعان