السلام عليكم ورحمة الله وبركاتة
وشلونكم يا بنات ان شاء الله بخير والله يتمم على الحامل ويخلص كربها ويرزق كل متمنية بالذرية الصالحة
المهم
أنا تعيت في بيت ام زوجي يوم جاء الليل ادخل أنا وشغالتي عشان نجيب الفرش وكان المكان كله غبار والفرش فيها غبار بس اليد ما فيها حيلة نفضنا الفرش ولا تجيني ذيك الكحه القوية وتمسك فيني لين رجعت الرياض ومره عجزت أنام من الكحة ورحت عند الدكتورة وكتبت لي مضاد ودواء كحة برسبان وكتبت لي جلسة بخار والحمد لله وكنت وانا نائمة اذا جتني الكحة ماأقدر اكح أخاف أصحي زوجي من قوة الكحة
وبعدين بدئت افقد حركة الجنين وانا بالخامس وأقول لختي ماحس فية لي يومين قالتلي عادي يمكن يسير نايم واقعد يومين بعد والله أني اهوجس بحركتة وانا نايمة واضرب بطني بشكل خفيف ابية اذا كان نايم يصحى وانا على هالحال لين وصلت اسبوع بعدين خلاص ما صبرت ورحت وسويت سونار والدكتوره تشرح لي هذا راسة هذي رجولة وقلتلة مو مهم شوفيله نبض الجنين المهم بعدين نشوف أعضائه وتقعد تدور ربع ساعة واقولة هاه وين النبض قالت والله الحقيقة مافية نبض واقول ياشيخة تاأكدي لايكون الجهاز سماعتة خربان واقعد اصيح قالت لا الجهاز تمام وانتي احتسبي الأجر واحمدي ربك انه ما جاء مشوه ولا متخلف احمدي دائمآ ربي ما يختار لابن آدم الا ماهو خيرة لة وانا بعدين هديت شوي وقلت الحمدلله ان لله وانا الية راجعون واللهم اجرني في مصيبتي واخلفني خير منة
وبعدين قلت طيب الحل قالت لازم ولادة وطلق صناعي واقعد أصيح من الخوف وكتبت لي تقرير طبي وقالت افضل شي روحي يوم السبت عشان يسير الدوام الرسمي بدئ لان الحين اكثر الدكاتره أجازه
المهم
وش يبون يسون فيني مادري
وش أنا مقبلة علية مادري
نوع الألم وشلون مادري
يبون يبدون فيني على طول ولا ولا يعطونن شي يفتح الرحم اول بعدين الطلق ياربي مادري
يابنات الله يسعدكن الي عندة خلفية عن الموضوع تساعدني
اللهم فرج همي ويسر امري وهون علي طلقي وولدني بيسر وسهولة اللهم آمين
وآسفة ياحبيباتي على الإطالة
واللهم احفظكم من كل سوء
مشتاقة لأمي @mshtak_lamy_2
عضوة نشيطة
يلزم عليك تسجيل الدخول أولًا لكتابة تعليق.
إنا لله وإنا اليه راجعون
اللهم اجرها في مصيبتها واخلف لها خيرا منها
معوضه يا الغالية بإذن الله
احتسبيه عند الله وربي ما يضيع احد
الله يفرج همك ويكشف كربك ويهون عليك طلقك وولادتك
ويعوضك بخير منه زكاة واقرب رحما
اللهم اجرها في مصيبتها واخلف لها خيرا منها
معوضه يا الغالية بإذن الله
احتسبيه عند الله وربي ما يضيع احد
الله يفرج همك ويكشف كربك ويهون عليك طلقك وولادتك
ويعوضك بخير منه زكاة واقرب رحما
الله يعوضك يا رب و يسهل امرك
لله ما اعطا و لله ما اخذ
لا تننسي يا اختي انما يوفى الصابرون اجرهم
اسال الله لك العوض يا رب
لله ما اعطا و لله ما اخذ
لا تننسي يا اختي انما يوفى الصابرون اجرهم
اسال الله لك العوض يا رب
الصفحة الأخيرة
رفع