انتبهو انتبهو يابنااات من حب الفيسبوك والبيبي

السلام عليكم ورحمة الله وبركاته
حصلت قصة لوحده من صديقاتي وحبيت اشاركها معكم لاخذ العظه والعبرة من خرابيط هاليومين
اللي هو
حب الفيس والبيبي
طبعا بدا هذا الشيء مع صديقتي اول مادخلت الفيس كانت تضيف كل من هب ودب ماعندها أي مشكلة وكنت انصحها لكن تقول وش بيصير بياكلوني
وتقول بعد انا بس اغلق واسولف واضحك ةكلهم زي اخواني >>طبعا نفس الكلام يقولوه كل البنات
المهم مرت شهور وهي على هالحال وجاءت فترة بدت تتغير وصارت تكتب مواضيع حب وغراميات وشعر وخواطر وطبعا هي مو من ذا النوع ابد عشان كذا استغربت الموضوع
رحت لها ع الخاص وخبرتني بعد اصريت ع راسها
انها تحب واحد معها بالفيس
وانه طلب البن حق البيبي واضافته وصارت متعلقه فيه بس هو مايبادلها المشاعر
قلت لها
هذي حركات الشباب يالذكية يعلقوك بعدين يسوون نفسهم مو مهتمين عشان يلفتون انتباهك
لكن رغم الكلاام اللي قلتلها اياه ما اقتنعت

وتعبت وانا اكلمها بس ماياست واستمريت اكلمها
وجاءت فترة وتطورت علاقتهم
ومع تطور علاقتهم بدت تبعد عني وماترد علي بالخاص ولا بالجوال الا بالنادر
وبعدها بديت انا اخفف من الكلام معها ...... وبعد ^ شهور من هذا الوضع اتصلت امها علي وخبرتني ان صديقتي في المستشفى
خفت عليها ووصلني اخوي للمستشفى
ودخلت عليها ولقيتها في العناية المركزه
وكانت محاولة انتحار
كلمتني امها وسالتني ليش بنتها صارلها كذا
انا خفت ان صار شي اللي انا خايفه منه
والمشكله اني ماعرفت اقول لامها شي
بعد اسبوع صحت وصارت حالتها مستقره
وانتظرت اللحظه اللي تطلع فيه امها من الغرفه عشان افتح الموضوع ... ولما طلعت
نادتني صديقتي بصوت بلقوة لاحظته
قالت لي
انه الشخص اللي تعرفت عليه كان من اول خاطب وانه بيتزوج بعد يومين وطلب منها تكون له عشيقه ... حتى لو تزوج
وقلت لها ليش تبين تموتي نفسك
دامك عرفتي حقيقته
المفروض تحمدين الله وتشكريه
وش بتستفدين لو دخلتي النار بسبت هذا المتخلف
جلست تبكي ساعات وما قدرت اتكلم ولا كلمها حتى لما امها جت قلتلها مدري وش فيها
وكانوا اهلها قالبين الدنيا في بيتهم
المهم بعد هالموضوع بشهرين تقريبا بدا يستقر الموضوع
ولما رحت عندها للبيت
اخر مره
خبرتني انها مقهورة انها ماسمعت كلامي
وقالت انها تبي تنشر شي لبنات البيبي والفيسبوك ومايشبها من مواقع
وهو انها اكتشفت ان الشباب يستخدموا نفس الاسلوب مع كل البنات
1- اول شي يتعرفو عليك من جهه معينه ..قروب صديق مشترك وغيره
2- يتقربوا منك بحيث يقدروا يظمنوا انك تضيفيهم
3- يضيفوك وطبعا تقبلي وتكتمل الخطه
4- يستمروا بمحادثتك يوميا بطريقه تجعلك تظنين انك مميزةعندهم
5- يستمروا على ذا الحال شهر اكثر شي لانهم طبعا ذياب ماعندهم صبر
6- لما يلاحظوا عليك انك مندمجه ومتعلقه فيهم يتحمسوا معك .....
7- يبدا يبتعدوا شوي شوي
8- يثيروا بعض المشاكل ليلفتوا انتباهك ومشاعرك
9- يحطوا مشكله تافهه ويلغوا الصداقه >>>بعض الاحيان يتركوا الفيس فترة اوالبيبي
10- ولما يحسوا انه في تغير فيك >>>تكتبين شعر وخواطر طبعا تكون قاصدتهم بالموضوع ...ولما يتاكدوا انك تعلقتي ....يبدا بالمواساه ع الخاص
11- وبعد المواساة يبدوا بالكلام المعسول والذي منه
12- وبعد 4 شهور اولما يملوا ويلاقوا صيده جديده يصرفوك وبكذا بس لعب بالمشاعر وبس

وهذولي هم شباب و بنات الفيس والبيبي اللحين الله لايبلانا
انتبهوا ياخواتي صدقني انا بعد لما كنت اسال البنات المضافات معي
وعاشو نفس التجربه
خبروني انه هذي الخطوات اللي ذكرتها صديقتي صحيحه مئه بالمئه
الله يستر على خواتنا واخواننا قولوا امين