انتبهو لبتاتكم وبرامج التواصل وتعالو شيرو علي

السلام عليكمنسمع كثير بمشاكل المراهقة ونقرا قصص لكن مانتخيل بيوم ننحط في موقف صادم مع عيالنا المراهقينبنتي بثالث متوسط الحمدلله ربيناها احسن تربية نرخي ونشد حسب المواقفلكن بالعموم نحرص على ان كل شي يسوونه اعيالنا صح وماقصرتا عليهم بشي وربي شاهد وبيحاسبنا هذولا امانة المهملما كانت بنتي باول متوسط تابعت برنامج واقع في قناة محافظة وزيها زي الاغلب تشجع ناس معينة ودخلت في قروبات دعم المتسابقين في المنتديات وكنت اراقبها من بعيد بدون ماتعرف اشوف ردودها ومواضيعهالاحظت ميلها الشديد لاحد المتسابقين وبالصدفة اكتشفت انها حاطة حساب بالكيك برنامج المحادثات وداخله في قروبات فيها اولاد طبعا انصدمت جدا هي اغترت ظاهرهم الصلاح من خلال انهم متابعين لهالبرامج المحافظة وبحكم عمرها مع الخيل و انصدمت بمحادثات خاصة البنت صحماترد لكن كلام مايليق انهبلت انها اصلا فتحت حساب وكيف قدرت تسمح لنفسها تكلم اولاد طبعا كاي ردة فعل قامت الدنيا وقعدت وحرمناها من الاجهزة ومرت فترة كلمت مستشارة قالت رجعي لها بس خذي منها عهد ماتعيد هالغلط و ماتفتح حسابات ببرامج التواصل الا بعلمكم وفعلا رجعت لها وكنت مشددة اتابع مالاحظت اي شيعندها استقرام فقط وباث وكلها اتابع اول باول الى ما يوم احتجت الليباد وهي كانت تستخدمه خذته لاني ببحث برنامج وفتحت الاب ستور وتفاجات ان الصفحة مفتوحة ع تحميل برنامج تويتر هي تفير وجهها وارتاعت سالتها عندك تويتر قالت لا وخايفة قلت عندك ولالا ورفعت صوتي واعترفت انه عندها وفتحته لي وتفاحات بمحادثتها مع صديقتها تتكلم لها عن مواقفنا معها واننا منعناها من الايباد الا باوقات محددة وانها تغار من البنات اللي ع كيفهم طلعات مع بعض ومدري ايه الصاعقة تقول لها امي فاشلة هنا اسودت الدنيا بوجهي كرهتها ذيك اللحظة تمنيت اموت مااقرا هالكلامهي تتاظرني وتصيح وتحلف موب هي اللي كاتبته انها معطيه الحساب لصديقتها تفتحه بدالها حتى صديقاتها مايضحكون عليها ان ماعندها برامج تواصل طبعا ماصدقت وارجع اشوف الرسايل ع الخاص الا البنت بعد تكلم اولاد انهرت وبكيت ومايحتاج اوصف لكم موقفي وردة فعليالسؤال كيف للبنات ياثرون ع بعض ويخربون بعضحاولت انقلها منةالمدرسة لكن ابوها رافض وش الحل المنع في هالزمن صعب وبنفس الوقت الحرية الزايدة غلطمحتارة وتعبانة ومهمومة احاتي كيف ياثرون عليها البنات تكره امها لانها تنصحها وتوجهها وتختار لها اللي فيه مصلحةمهما كنا حريصين ومتفانين في التربية الا ان هالزمن بلاويه كثرت وفتنه انتشرتوماتدرين من فين تجيك المصيبة الدعاء يااخوات لذرياتكم بالعصمة من الفتن والصلاح والهدايةارشدوني  كيف ارجع ثقتي ببنتي كيف اتقبل اطالعها بعد كلمتها عني لصديقتها