انتبهو من الارقام بالرسائل الخاصه

انا حبيت انبهكم  قبل وحده تطيح بالي طحت فيه 
انا عضوه قديمه معكم بس لقبي معروف  فاستخدمة هاللقب حتى ماحد يعرفني  لا مدينه و لامعلومات صدق


السالفه  اني طلبت رقم شغاله و كوافيره ونقاشه و من هالاشياء لاني ساكنه بهجره  بعيده  عن القصيم مقدر اكتبها حتى ماأنعرف بالمنتدا 
وارسلت لي كم عضوه ارقام جوالات وكل وحده تمدح 
فديت كل وحده ساعدتني جزاه ربي بالي تتمنى
اخذت اول رقم و كلمتها بالواتس و طلبتها تجي للبيت ووافقت ونزلت من السعر   ووو الخ 
المهم هالحرمه غريبه شوي  بدت تسولف مع اني مافضى لها و ارد واسكر المهم بدت السالفه  وصار اشياء كثيره لمدة اسبوعين و كان قلبي شاك فيها  اسلوبها جريئ
وماتهتم  بالاشياء الي تحبها كل حرمه من طبخ و خلطات و تنظيف و البيت همها الجسم و الشنطه بالجسم و الصدر  و الاشياء الي بين الزوج وزوجته ######
يعني غررريبه  ؟؟  او انا اتوهم 
وكنت محتاجه لها ضروري  ومضطره لانه ماحولي احد 
وكنت استخير كثير واتمنى ربي يصرفها عني 
و ربي سخر لي وحده متبهذله منها 

المهم بنات  هالحرمه انا ماخبرتها بشي وهي خبرتني باشياء عني ماحد يعرفها غير نفسي :( خووفتني واتصلت على رقمها ولقيته مقفل او منقطع وقلت باسمع صوتك قالت انها مقفلته عشان زوجها ماينزعج من الاتصالات
و لما جيتها بطريقه اني اعرف اصحاب الارقام ببرامج و من هالحكي ارتبكت وصارت تسال ايش الاسم الي عند رقمها  وانا انشغلت و مارديت عليها  و حضرتني وانا حضرتها و سجدت لربي شكر و خبرت زوجي لاني خفت صراحه منها  وقلت يمكن ساحره حتى زوجي يقول اكيد ساحره
  اللهم لك الحمد و الشكر يارب  انه انقذني خاصه بيتي ماحوله ناس يعني  ماحد يدري عني 

بس خوفي تكون ساحره او رجال  يارب استر علينا و احفظنا 
عطوني حلول   كيف  اعرفه  لاني خفت لما عرف المعلومات عني 
كيف اطلع اسم صاحب الرقم  الشركه الي تابعه للرقم رفضو يعطوني اسم صاحبها حتى قلت بس هو حرمه او رجال بس ورافضين وارسلت للي ارسلت الرقم لي وحلفت لي انها مارسلته وان حسابها مخترق و اشتكت كم مره للاداره  الله يهديكم ياداره  انتبهو ترى هالمشكله بتخليني اترك المنتدى لاني خفت ع نفسي  وقلت انزل الموضوع والتحذير قبل ارحل من المنتدى 



نصيحه لاتاخذون اي رقم انتبهو خلاص ماعاد فيه ذمه و ضمير و لاخوف من الله  يارب  من اراد  ببنات المسلمين و المسلمات سوء اشغله بنفسه و ارنا فيه عجائب قدرتك
حسبي الله على كل من يرسل ارقام رجال لعابين
و حسبي الله ع كل رجال مسجل بلقب بنات و حاط عمره بنت بالمنتدا 
وانا و الله حرمه ملتزمه عندي عيال وبنات
وبنات وحده منهم مسجله بالمنتدى بس نهيتها من خوفي
واخاف عليكم و عليهم