انتبهو من الرحلات المدرسيه ؟؟

السلام عليكم ورحمه الله وبركاته ...

من الخوف الي جاني وربي مو عارفه كيف اكتب لكم واحذركم انتبهو على عيالكم ولاتقولون رحله مدرسيه فيها رعايه

انتبهوا ....

اليوم كان عند ولد حماتي رحله مدرسيه لفن تايم بيتزا الي على كورنيش الدمام ...

ومن فرحه الولد مانام امس هو بالصف الاول الابتدائي وهذي اول رحله مدرسيه ...

تقول امه تعبني كل مدخلته الغرفه ينام يصحى ...

وراح المدرسه وطبعا المدارس تحجز باصات للرحل ...

ويروح الولد ويرجعون ولمن رجع البيت الولد مو طبيعي وجه متغير ..ومو راضي يلعب مع عيالي ..

الي كل يوم يلعب معاهم ...كلمتني امه تقولي ملاحظه ان فلان مو طبيعي قلت ايه هادي كثير اليوم ..

مع انه شقي كثير لدرجه محد يتخيلها ولمن كلمته امه ...

تدرون وش قال يقول انه راح للفن تايم وكلنو ثلاث باصات موصبين الطلاب لمكان اللعب من ثلاث مدارس

وهو يلعب جيه رجال واخذه وكان بيسرقه وطلعه من مكان اللعب بس الولد حركي وجرئ قدر يدافع عن نفسه ويصارخ

ويرفس المهم ان الرجال رماه بالشارع وانحاش

جن جنونها حماتي وشو تسوي ويرحون الشرطه بسرعه وياخذون اقوال الولد ..

المهم الشرطه مادري ليه شكت بالباصات ...يمكن لان الولد قال ان رجال الباصات كانو واقفين ومادافعو عنه

واستدعتهم كلهم وبعد الضرب الي حصلوه تخيلوووووووووو معااي شوفووو الدنائه والقذاره وصلت الوين

طلع واحد من راعي الباصات سعوديين منادي خويه وهو الي حاول يسرق ولد حماتي ..

واللحين يدورون الرجال طلع منحاش للمدينه ...

متخيلين قسم بالله لحد اللحين وانا من الصدمه مو عارفه حنا في وين صرنااا

وش هالنفس وهالقذاره الي تخليهم يسرقون ولد باول ابتدائي وبعز النهار

ليش ليش وين الضمير وين الدين وشو صار بالسعوديه تتغير كذااا

لهدرجه فقدنا الاماان ماصرنا نامن على عيالنا حتى في المدرسه

ماقول الا حسبي الله ونعم الوكيل فيهم حسبي الله عليهم

كلامي مو واضح ولامرتب وربي من الربكه الي فيني والخوف

بس حبيت احذركم انتبهو على عيالكم والله يحمي لنا عيالنا وخلوهم يقرون دعاء الخروج كل يوم