انتبهو من بعض المستشفيات الخاصه

السلام عليكم ورحمه الله وبركاته

انا لي شهر متردده اكتب الموضوع
بس اليوم توكلت على الله

بنات انتبهو من بعض المستشفيات الخاصه , انا مااقول كلها اقول بعضها

في ناس تروح تعالج وفي ناس تروح تسوي عمليات , وفي الاخير يكتشفون فيهم

امراض مزمنه مثل التهاب الكبد والايدز وغيره وغيره

والسبب انهم يستخدمون ادوت غير جديده يعني ناس قبلك مستخدمينها .

كم وحده اصيبت بفيروس الكبد وبعضهم مصابه وهي ماتدري وهو خامل

اعرف واحد يشتغل في مركز التخصصي الطبي العماره الطويله ماغيرها

قسم بالله هاذا كلامه يقول حنا محاسبين على كل شي , هو طبعا قد اشتغل في

مستشفى حكومي ومتعود وقت العمليه كل شي جديد , يقول يوم جيت المستشفى

الخاص ممنوع علي الجديد يعني الابره وحده ماتتغير , والحقنه الي يستخدمها

المريض ويبقى منها مايرمونها يستخدمونها للمريض الي بعده مع ان الحقنه

سعرها رخيص بس هم اقتصاديين على حساب المريض والحقنه هي اساس العدو

حسبي الله ونعم الوكيل .

والانبوب حق التنفس مايغير يصير مستخدم قبل المريض الي قبل , وهو متعود

في المستشفى الحكومي كلش جديد

حتى رئيس القسم قال كلش محسوب علينا , طبعا الي دايرها اجانب وهم

ماهمهم مصلحتنا لايغركم الاستقبال .

هاذا الي اعرفه وما خفي اعظم .

اذا رحتي لاي مستوصف لو حكومي انتبهي من الابره وتاكدي انها جديده لانها هي اساس البلى والعدوى .

ونا والله ماكتبت الموضوع الا من خوفي عليكم خلو عيونكم مفتحه وانتبهو لحالكم .