انتبهو من حبوب الروماتيزم

السلام عليكم ورحمه الله وبركاته

بنات ابي اعلمكم بسالفه صارت لي وابيكم تحتاطون منها ,,,

انا بالشهر التاسع لي عشرين يوم تقريبا وقبل اسبوع نقلنا لبيت جديد وهات ياشغل وكرف

واذا جاء الليل طبعا حيلي مهدود وعظامي متكسره .

وبمااننا برد ومع الشغل فالتعب يكون اشد ,وش سويت انا ؟؟؟

قمت واخذت حبوب سابوفين حقات الروماتيزم وتعب العظام والمفاصل علشان اقدر انام ,

وصحيت الا انا الحمدلله مافيني الا العافيه وكملت شغلي ونفس الشي اكلت بالليل حبه ثانيه .

رحت للدكتوره قلت ابي اشيك للمره الاخيره وارتاح نفسيا وعلمتها اني اخذت سابوفين .

مادريت الا طاح القلم من يدها وطارت عيونها بوجهي وجلست تهزء فيني وقالت تدرين انه يسكر شرايين

الطفل وتعب التسع شهور يروح عليك ويتوفى الجنين !!!!!!!!!!!

انا بهاللحظه انهارت اعصابي بس يوم كشفت علي طمنتني وقالت سليم بما انك اخر مره اكلتي الحبه قبل 24

ساعه .

والله يابنات ماادري وشلون قدرت امشي من عندها بعد هالسالفه من شده الصدمه والخوف لكن

الحمدلله ان الله ستر علشان كذا حبيت انبهكم يابنات لا احد يستهين بالادويه وخاصه بالشهر الاخير ..

الله يهونها علينا ويسهلها اجمعين يارب .