انتبهو من شياطين الانس مثل السلفات

تخيلو انا بداية مادخلت بيتي وسلفتي ترسل لي بزورتها وكنت العب معاهم ويحبوني بعد ماجبت عيالي صارت تطردهم من ورا زوجها وانا لمن اشتكي لزوجي يروح يقول لاخوه واخوه يروح يسال مرته تنكر وتطلعني انا الكدابه والمفتريه وزوجي يجي يبهدلني يقولي انتي سبب المشاكل والافتراء ومشيت عالهلحال وقبل يومين زوجي اكتشف حقيقتها كان قاعد معايه وبنتي جات من عندها واشتكت لزوجي انها طردتها وخاصمتها وزوجي قلها بعدكده لاتدخلي بيت عمك ...تخيلو سلفتي اش تسوي اتاريها من اول مخطتلي علاخراب بيتي عرفت طريقة افترائها لي  ركزو معايه عشن تنتبهو من اللي زي اشكالها..بنتي تطلع في وجود عمها تدخلها وقدام زوجها تعطيها حلويات وتكلمها باسلوب حلو ويكون مثلا ادن صلاة المغرب زوجها يصلي ويرجع ويلاقي بنتي قاعده عشن تطمن زوجها انها مابتسوي ولاتطرد ولابتخاصم بزورتي ...هدي نقطه والنقطه التانيه...بنتي لمن بتطلع في عدم وجود عمها مرته بتطرد وتوقغلها وتخاصمها عندالباب وتقولها مره تانيه لاتجيي اقعدي في بيتكم وكنت انا ماادري انها بتحسب الف حساب لنفسها عشن زوجها مايخاصمها لمن زوجي يشتكيها لزوجها..الزبده زوجي عرف حركاتها واليوم صارح اخوه وقعد يحلف ويتقسم ويقوله مرتي ماتطرد وتحبهم ولاقد ازتهم او طردتهم وقال بنتك كدابه تكدب وكان زوجي يبهدلني ويخاصمني اني بفتري عليها وحاليا صدق بنفسه وعرف حقيقتها وقلي ربي يحاسبها خليها براحتها تسوي كل شي دام اخويه صدق مااقدر اقوله شي وقلي لاتجي تشتكيني عنها ربي ياخد حقك منها لو تازيك انا زوجي مره مصدومين من حركاتها وانا ماسويت لها شي كنت احبها واعتربتها زي اختي لكن كانت تخططلي علا مشاكل وياما سببتلي مشاكل مع زوجي واهله ...لاتجي وحده وتقول لاترسلي بزورتك عندها انا اساسا ماابغاهم يروحو عندها لكن هي من اول مااتزوجت بناتها عندي 24 س وبابيني مفتوح ليل نهار وحتا حاليا كمان ترسل بناتها مع بناتي يلعبو عندي من العصر الين الفجر عادي عندي بعد ماعرفتها انها حقوده الصغار مالهم ذنب هي تكرهني تحقد علي وتحسدني مع نفسها بس ليش تسببلي مشاكل وتعلم صغارها عالحقد والكره وغير كانت فيالعزايم تعايرني وترمي علي كلام يسم البدن هي ماعندها ولد وتبغى تبين لزوجها اني مشكلجيه وتبغى توريه انه اخوك عنده الاولاد ومو مبسوط وهي بتموت قهر مني بسبب حقدها وحسدها يالطيف ..احنا السلايف وام زوجي ساكنين في عماره كلنا واخوات زوجي يجو يوميا عندامهم ومن طبعهم من اول عيالهم يروحو ويجو لبعض وانا من قبل مااعرف خطط سلفتي انها بتطرد عيالي وبناتها يجو عندي وياخدو راحتهم انفجرت وغلطت اكبر غلطه لانها نكرت والى الان بتنكر وطلعت انا المفتريه حقت اذيه لكن الحمدلله دي المره زوجي عرف حقيقتها وبرضو اخوه لمن حلف زوجي اتاثر بكلامه وصدقه لانه زوجي قلي اخوي بيحلف وانا اش بيدي اسوي اش في بعد الحلف ..انا بابيني مغتوح علاطول يدخلو ويخرجو براحتهم وفي اي وقت وزوجي مايرضالي اقفل الباب وقلي خليها تسوي لكن انتي لاتسوي زيها هي وسخه لاتنزلي مستواكي لها ..ومن اول كان زوجي يقولي احنا خدا طبعنا نخلي بابنا مفتوح وسكنا مع بعض عشان بزورتنا يروحو ويجو لبعض مو انتي تحي تفرقينا وكان دايم يقول انتي دخلتي البيت جبت معاك المشاكل وبعدما عرف الحقيقه برضو يقولي خليكي انتي الطيبه لانه محد مصدق زوجي ويقولوله مرتك هي مشكلجيه وهما شغالين من تحت لتحت وانا كنت اديهم في وجههم ويروحو يشتكوني وهما يطلعو منها واقعد كنت اتمشكل مع زوجي لكن حاليا مرررره مطنشتهم وكلما لهم بيزيدو من شدة قهرها سلفتي علمت بنتها 4ابتدائي قالت لها انزلي عندها ولاتكلميها ادا تكلمك وفعلا اكلم البنت ماترد علي وتشمق .اخر شي زوجي بنفسه اقتنع وقال لعيالي لاتدخلو بيتها ويقولي انتي كمان لاتخليهم يروحو عندها قلتله انا من اول منعتهم يروحو عندها بس هو خاصمني ..واخيرا انتبهوووو من دي الاشكال