شامبو هيربل @shambo_hyrbl
محررة ذهبية
انتبهو يابنات من التجاره عن طريق الانترنت
بنات انا مدري وين احط هالموضوع واتمنى ان المشرفات ماينقلونه او يحذفونه ابي اكبر عدد من الناس تقرا قصتي وتعرف عن نوع من النصب والاحتيال بالكلام المعسول واكيد بالتغرير بالمكاسب وغيره وانا عندي نصيحه ولازم انصح الناس حتى لايقعون في الحرام والمحظور
في يوم وانا جالسه في امان الله جتني اخت زوجي وقالتلي انه اخت صديقتها تشتغل بالنت وهي جالسه بالبيت وتكسب مبالغ كبيره مره يمكن من اربعه الا خمس الاف اسبوعيا انا استغربت ولا حطيت في بالي وقالتلي يوم السبت نروح نشوف هالشغل في الكفي قلت اوكيه مو مشكله خلينا نروح واذا عجبا الشغل اشتركنا معهم ورحنا وصار زي الدرس ومجموعة بنات يمكن عشرين بنت ووحده بنت سعوديه بس هي الي تتكلم ومعها لوحه وقلم وتشرح ويوم خلصت الي انا جينا تبعها عطتنا اوراق وقالت عبوها وانا مو مستوعبه السالفه وكيف واكيد منبهره وانا في الطريق قالتلي اخت زوجي هاه وش رايك قلت واو وحلو مره بس وشو لازم تشترين من منتجاتهم اقل شي بالفين وست ميه وجلسنا نفكر بالمبلغ ويوم رجعنا للبيت وانا فاضيه قلت بدخل النت وشوف هالشغل وشلون طريقته افهمه على رواقه وانا اطقطق الا اشوف حكم التجاره بالنت الهرمي انا استغربت وادخل قلت بشوف وش السالفه الا يقول انه ربا يعني فلوس حرام وبس اناهنا رجعت لعقلي وقلت في نفسي سبه محترمه لشركه والشركه هاذي حتى لو مو وهميه لكنها تشتغل بطريقه ملتويه وتكسب الناس الصغار وتلعب عليهم فكرتها انك تشترين منتج وتسوين دعايه ويجي شخص يشتري ويصير تحتك وهو يكسب وانتي تكسبين كل ماتجبين زباين اكثر تكسبين اكثر واصلا البضاعه مو عندك كله عن طريق الانتر نت واجي وارسل ببي لاخت زوجي وقلتلها تراني غيرت رايي اذا انتي تبين بكيفك بس تراني نبهتك وبعد بكره ماادري وش بيصير يمكن تصير الشركه نصابه ويسحبونا انا وياك بسين وجيم انا اخذتها من الجانب الديني اول بعدين خذتها من الجانب القانوني وقلتلها اموت جوع ولا يدخل في جوفي قرش حرام بكره احاسب عليها لاتنسين انه فيه جنه ونار ولاتسين انه اول مايسأل عنه العبد يوم القيامه ماله من اين اكتسبه وفيما انفقه انتبهو يابنات انتبهو لاتقعون في الحرام اي احد يقولك زي كذا ابتعدي عنه ولا تصدقينه وحمدت ربي وشكرته اني استفسرت عن الموضوع وطلع ربوي وفكرت بالموضوع ودرست كل جوانبه قبل مااتخذ اي قرار الحمد الله الله يغنيني بحلاله عن حرامه
3
513
يلزم عليك تسجيل الدخول أولًا لكتابة تعليق.
الصفحة الأخيرة
فعلا في بعض شركات تتبع هالاسلوووب