انتبهو ياحريم وانتو تمشون فالشوارع وشنطكم معلقه فيدكم قد تموتين بسبب الشنطه

السلام عليكم


اخواتي موقف حصل لي حبيت انبه الكل عليه عشان مايصير لهم نفس ماصار لي



اخواتي انا انسرقت قبل ثلاثه ايام سرقه وحشيه كنت راح اموت بسببها بس ربي لطف والسبب اني امشي فالشارع والشنطه معلقه فيدي وواضحه


الي سار انو دباب جا من ورايا وصدمني ولما طحت عالارض دخل يدو بيني وبين الشنطه وسار يسحبني فالسكه ومعايا الشنطه لم بديت اصرخ من الخوف وعلي صراخي الناس انتبهت وهو خاف فسحب الشنطه باقوي ماعندو وهرب

طبعا الالم الي جاني بسبب سحبتو خلاني مااقدر احرك يدي اربعه ايام من غير الرضوض والجروح ومن القهر بلغت الشرطه لكن ماسار شي وعوضي عالله


الي ابغاه منكم ماتشلين فشنطتك المبلغ كامل لااااااااااا بس مبلغ تافهه والباقي فالصراف

ماتشلين الجوال الا فجيب داخلي فملابسك

وشنطتك تكون صغيره او تحطينها داخل العبايه هذا فحال مضطره للمشي بره وماعندك محرم لاتقولين ولدي الصغير انا انسرقت فوجود ولدي يعني مايخوفهم شي

اهم شي مجرد ماتنسرقين اكبر غلط ماتبلغين عشان كذا السارق مايخاف لاننا ننسرق وناكل الفجعه ونروح عالبيت نبكي

لاااااااااا اتصلي وبلغي وحددي اوصاف السارق كذا الي يسرقون راح يعرفون انهم مطلبوين علي عدد السرقات يعني اكيد راح يمسكون من كثرة الشكاوي

اكبر غلط السكوت

اللهم شل يده اللهم شل يده اللهم شل يده

اللهم عجل بالقبض عليه عاجلا غير اجل

اللهم هد صحته بالامراض والاسقام

والله يابنات سرت اخاف انزل لباب البيت اخاف يكون موجود ويتربصني ويتعدي عليا

حتي فالنوم جاني قلق من الخوف انو يعيدها فيا مره ثانيه


يامشرفات ارجو التثبت خاصه وقت رمضان لان السرقات تحصل الوقت هذا اغلب الحريم معاهم مبالغ كبيره فالشنطه ويمشون لانهم معتقدين ان رمضان في عالم وناس مايسير لهم شي

انا كان حولي عالم ماسوي لي شي ولاحركو ساكن