حبيباتي
هالموضوع قريته في أحد المنتديات وعجبني حييييل
وجذبني أسلوب اللي كاتبته الصراحه مقنع وخفيف على النفس
والكل عارف ميزت أسلوب أخواننا المصريين في التعبير
عليهم خفة دم وطريقه عجيبه في الإقناع
وفوق هذا كله الموضوع قمه في الروعه من جميع النواحي
عشان كذا حبيت أنقله لكم عشان تستفيدون منه
لأنه الصراااحه مهم جداااااً لكل فتاة وإمرأه مسلمه
وألحين أترككم مع الموضوع وإن شالله تستفيدون
والأهم تقتنعون بهالكلام اللي يستحق أن يكتب بماء الذهب
~~~~~~~~~~~~~~~~~~~~~~~~~~~~~~ ~~~~~~~~
السلام عليكم ورحمه الله وبركاته
إزيكو يا حلوات
الحلوه الآنسه ( اللى نفسها تبقى مدام زىّ كده)
والحلوه المدام ( ربنا يخلي لها أسرتها ):angry:
قلت نتكلم ف موضوع كده ونحكي شويه ونفسي كل وحده تقراه
تستفيد منه وتخرج منه حاجه تانيه خاااالص
وهو موضوع
عمــــــل الحواجب
أكلمك عن نفسي الأول كده
أنا يا ستي بقالي 4 سنين بعمل حواجبي ساعات كنت بنظفهم
وساعات كنت بزيد ف التنظيف شويتين
بس من حوالي شهرين تلاته كنت قاعده لوحدي وقعدت افكر كده
قلت هو انا ليه ماخفتش من ربنا ولا عملتلو أي خاطر لما قالي انا هطردك
ايوه هيطردني
وياريتو هيطردني من حاجه صغيّره لااااا
ده هيطردني من رحمته ... اللي انا عايشه بيها وهدخل بيها الجنه إذا ربنا أراد
لأن كلناااااا مش هانخش الجنه غير برحمة ربنا ودي مفيهاش جدال
لما اتخيّلت منظري قلبي وجعنــي وخفت قووي
يعني أنا كنت بعملهم ازاي سمعت الحديث اللي رسولي حبيبي
صلى الله عليه وسلم
قالي فيه - لعن الله النامصه والمتنّمصه -
وبرضو كبّرت دماغي و فضّيت دماغي لشيطاني
ونفسي اللي أمرتني بالسوء أومال كان فين عقلي ساعتها ......؟!!
قلت يعني ربنا كارمني بحاجات كتير حلوه ف دنيتي
وانا برد عليه بإني مش مهتميّه برحمته ولا برضاه عليّا
طب لو ربنا غضب عليّا بجد وحرمني من جزء من
النِعم دي ساعتها هبقى مبسووطه ف حياتي
ووقفت كده زي الأسد00 لاااا أسد إيه00 زي السبع وقلت لاااا
غور في ستين داهيه يا نمص توبه من دي النوبه
أنا كنت شاااربه شاي باللّبن ومش حاسه بنفسي ولّا إيه 000!
والحمد لله نويت واستغفرت ربنا وندمت على كل لحظه عملت فيها حواجبي
وبكيت لربنا على إني أغضبته كتير بالفعل ده والحمد لله سبتهم
ولا قربّت ليها خاااالص لحد اللحظه دي وربنا يثبتني لحد ما اموت
واللى حتقولي طب وشكلك حيبقى أوحش ما تعمليهم أحسن
هقولك وربنا وربنا عمري ما حسّيت براحه ولا حلاوه ف شكلي زي دلوقتي
وواثقه ف ربنا جداااا لأبعد الحدود إني مادام أنابرضيه عمرو ما هيغضبني أبدا
وأكيد الناس اللي تستاهل حبي بجد وبتحبني بجد
هيّا بس اللي هتفرح بيّا كده إنما بقى الناس التانيين دول اللي بيقولولي
عيشي حياتك وربنا غفور رحيم صلي وإعملي العبادات التانيه
وربنا هيعديلك دي كل الناس بتعملهم جت عليكِ يعني...
بدّيهم ظهرى ولا كأني سامعه ليهم ... دول نااااس عايزه الحرق
هههههه آه صحيح بجد دول أعداء مش حبايب
و باختصااااار
أوعي تكوني بتقولي عليّا لكّااااكه سامعااااكي إهئ إهئ إهئ
دلوقتي بقى وأنا قاعده قلت طب ما انا والله بحب كل البنات والستّات
ونفسي يبقوا حلوين بجد و راضين ربهم
حبيت إنتوا كمااان تتوبوا لربنا
وتبقوا أحسن مني كمااان .. بس مش قوى يعني عشان ماتطمعوش
وكمان بقى الحلوه اللى عقلها بيّزين لها كلااام إني بنظفهم بس
مش برسمهم أوبيوهمها أن المقصود بالنمص
هو الشيل خااالص
أو حتى اللي بتقص منهم أو بتشيل الزايد منهم
أوعي الشيطان يضحك عليكي ولاّ يزيّن ليكي الكلام الأهبل ده
وتقولي أومال أسيبهم كده يِخّي ده شكلي كده مقرف خالص
إيش عرفك .. مش ربنا ممكن يحبب الناس فيكي بشكلك ده
حتى لو إنتِ شايفاه مش كويّس مع إن والله الأغلب بيتهيأ ليهم
عشان أخدوا ع المنظر وإنتِ عاملاهم ..إنتِ بتشكّى ف قدره ربنا ورضاه عليكي ؟؟؟؟
أو أنه يحققلك اللي نفسك فيه سواء زوج أو خلفه أو أي حاجه
مش يمكن جوزك اللي يستاهلك ربنا يرزقك بيه ويعجب بيكى أما تعملي كده
أو جوزك يعاملك أحسن ويباركلك ف عيالك لو عملتي كده
أو ربنا يرزقك بالخلفه أما ترضيه كده00!
أجيبلك الدليل عشان تصدقي أن تنظيف الحواجب نفسه أو شيل الشعر
المنطور زي ما بتقولي يعتبر نمص برضه خدي اسمعي دي كده
http://www.youtube.com/watch?v=zqKhO7SHVxk&feature=player_embedded
وف الآخر
نفسي متخرجيش م الموضوع زي ما دخلتي
لأني واثقه إنك تتمنّي رضا ربنا
ومن أراد رضا الله عاش حياته كلها ف سعاده وراحة بال
وعايزة أقولك خليكي واثقه ف نفسك أكتر
مش عمل حواااجبك هو اللى يخليكي جميله والله عن تجربه
إرضي ربنا وهو إن شاء الله هيرضيكي ويحقق كل اللى بتتمنيه
من ترك شيءً لله عوضه الله خيراً منه
مع السلااااامه والقلب داعيلك :26::26::26: