غلطتي اني ماهتمت بنفسي سويت قيصريه من شهر وطلعت البيت وكرف وشغل ولا تدفيت ولا اكل زين وبعدها ب3اسابيع التهبت العمليه من داخل وورمت واضطريت ادخل طوارئ وتنومت اسبوع والحمد لله طلعت امس ولسه للحين في الم وورم وموعدي الاسبوع الجاي يارب مايرجعون يفتحون العمليه ويخف الالتهاب :(

غلطتي اني كنت اغسل بالمره  وملح خشن في الايام الاولى بعد الولاده واللي حصل فتحت الغزر عليا لان المنطقه شدت والتهبت الخياطه 

وبعدين رحت للدكتوره واعطتني مضاد حيوي للالتهاب وميبو وكريم ومضاد وغسول بيتادين واللهم لك الحمد تحسنت 

اب ..

انا للاسف مدري وش غلطتي اللي سببت هوا لراسي لي سنتين للحين اعاني منه تروشت بعد اسبوعين ومتأكده اني تدفيت زين بعد عشرين يوم صابني ثقل براسي وقل نوم وبعدها عانيت من الاكتئاب الشديد اللي عالجته بادويه نفسيه راح الاكتئاب بس بقى تعب راسي والهوا اللي فيه للحين ومدري وش علاجه وش الغلطه اللي سببته بعضهم يقولون صابتني صدمه نفسيه سببت فتحه براسي دخل منها الهوا ادري كلام يضحك بس الغرقان يتعلق بقشه 
تكفوون ادعولي ربي يشفيني من هالبلا ولا يذوقه مخلوق ياارب 
دماار نفسي فضيييع 

غلطتي البايخه اكلت حلبه مره كنت كارهه هالفكره وحامت كبدي زياده يوم جربت وع جدا وع والله لاقوت العظم ولا شي الا خياس ورطوبه على قل سنع رجعت اكل مر واشياء ثانيه تعدل الي خربته الحلبه

الغلطه البايخه الثانيه صرت اسمع كلام الناس الطحينه تكثر الحليب الطحينيه تكثر الحليب البقدونس ال مدري وشو وانا كني فار من شي لشي اجرب والله اللي ماجاء من الله ماتجيبه هالخرابيط

نفاسي الاول اللي كنت على وجهي وما اكلت الا رشاد وقرفه كان ابرك مليون مره من نفاسي الثاني اللي جربت فيه الحلبه وخرابيط الحلبه


على فكره التحمم والنظافه مامنها شر الشر من الوساخه والبكتيريا والقرف ،، والخياطه تتدمرها القعده يا انسدحي ياقومي امشي وتحركي وكنت ما ادري وطول الوقت مرتزه قاعده واقول عادي عادي لين شافتني الدكتوره وهزآتني وعدلت شوي والحمدلله