انتبهي للفاتوره والاسعار والباقي تجربتي واكتبوا تجاربكم

السلام عليكم ورحمة الله وبركاته

كيف الحال يالغاليات


احب دائما ذكر تجاربي لكي نستفيد جميعنا ونتبادل الخبرات وقد استفد منكن في امور كثيره .


الزبده يالحبيبات جميعنا صار لها مواقف مع المحاسبين والغلط بااكتب تجربتي واكتبوا تجاربكم .


واهم شي انتبهوا ............انتبهوا.................انتبهوا انا موقفين في ليله واحده وبنفس المول.


الليله انا والحلوين عيالي كنا في غرناطه مول كنت اريد حياة مول بس تعذرت قالوا الرياض غاليري قلت معليش زحمه وازعاج.



اروق شي غرناطه موول


اول محل ادخله كليرز لفت نظري حبه وحبه مجانا قلت اشوف مايضر اطالع في الاكسسوارات لفت نظري تعليقه حلوه ونااااعمه وتنفع للبس عندي وب10 ريال قلت يالله رخيصه جدا والله سعرها بدون نصب وغش 25 ريال



تجولت في المحل ماعجبني شي جيت للمحاسب قال بس يامدتم هي قلت بس.



اطالع في الشاشه الالكترونيه كتب 5 وبعدها 5 قلت اكيد انا بدا واحد وواحد بيخصم .


اعطيته عشره اعطاني الفاتوره وسكت

سألته قلت لو سمحت مكتوب حبه وحبه مجانا قال على البيرسس بنفس الكلمه قلت كيف يعني قال البيرر سس يامدام.


سكت ومشيت رحت للعاملين الهنود بااول المحل وقلت شوف انا اشتري هذا (وشرحت السالفه) وكنت اراقب المحاسب من بعيد والله كان يسترق النظر لي.



قاموا الهنود قالوا ايه حبه وحبه تعالي تعالي مدام


واجي وراه الموهم هذاك وجهه صار الوان ويتشاغل عني بالزباين ويردد نفس الكلمهالبيرسس


قلت بصوت عالي كلمني عربي فيه عرض اولا.



ويوم نفخت تسنع وقال طولي بالك يامدام.


بعدين قلب القطعه وقال ايه ايه فيه وحده مجانيه .



وهو متفشل من الهنود والا انا ماجاب هم متعود يلعب علينا .



ملاحظه (دخلت المحل بدون عيالي وكنت مصحصحه)



طلعت فوق اطلب اثنين حلا وكاوفي لاتيه حاسبت في الحلا كان عندي صرف واعطيته مية ريال للكوفي ب11 فقط رجع لي 39 على اساس اعطيته 50 فقط قلت لوسمحت 100 اعطيتكم قال معليش اسفين ماانتبهنا والمحل فاضي والله مافيه الا انا ولا زحمه ولا شي.


عاد ممكن سعد الدين غلطوا بس لازم ننتبه .




وبس دايم والله اخذ الحساب وادخله المحفظه ولا اعد.




وشكرا لحسن الاتصات:talker: