اللهم صلِ وسلم على نبينا محمد وعلى آله وصحبه اجمعين
كيف حالكم
ياليت تقرون للاخرر لانه من كتاباتي للحاصل ف الواقع وليس منقول
بعض الحريم الله يصلحهن مايعجبهاالعجب ولا الصيام في رجب
هي الصح بكلامها كله والباقين خطاء
تحب النقد سواء جارح او عادي او بناء
وغالبا النقد يكون على مسمع من الغير
يعني بعضهن لقافه وطبع فيها ماتصبر عنه
نموذج (1)
بداء شعر بنتك الصغيره يطول ويكثر
انتي صرتي تسوي لها حركات بشعرها تربطينه 2 من قدام مثلا
وانتم مجتمعين بعزيمه تجيك وحده بدون مقدمات
حررام عليك البنيه ماتتحمل التربيط توهااا
ترد وحده من جهه ثانيه لا والله التربيط احسن لايطيح على عييونها
وكل وحده من هالحريم تدلي بدلوها وتصير بنتك وشعرها محور الحديث !!
نموذج (2)
بعد مرور كم شهر قصيتي شعرها من باب التغيير
واجتمعتوا
يوووه قصيتي شعرها صارت كانها وليد = تصغير ولد
الثانيه لا بالعكس اسفر وجهها بعد القص
الثالثه الافضل انك تخلينه لما يطووول مره وحده بعدين تبدين تقصين منه !!
نموذج (3)
ولدك الصغير الرضيع في الشتاء لبستيه لبس معقول
حراام عليك الولد لايذبحه البرررد مايتحمل ولبسه هذا ثقيل !!
طيب الام ادرى بولدها وارحم به منكم !!!!
نموذج (4)
مازرتي جارتك فلانه
لا والله مازرتها
لا زوريها سووي قهوتك واشتري لها معك كسوه = هديه
نموذج (5)
عندك نية سفر للشرقيه بشهر 4
يوووه احد يروح الشرقيه في هالجووء بعضهم مايطلع من بيته من البرررد
الثانيه بالعكس مو لهالدرجه الجو حلو لكن خذوا احتياطكم
الثالثه خلوا سفرتكم بالصيفيه
قاموا عليها الحريم لالا لالا حررر ورطووبه
انتهى
تعليق
اختي القارئه نصيحه اذا كنتي من هالناس المتطفله نصيحه غيري طبعك
وكوني اكثر رقي
وصدقيني المجلس اللي انتي فيه ثقيل مررره
اما اذا احد اخذ رايك عادي ردي
اما الاخت اللي تعاني من هالاشكال
عطيهم رد صاررم حتى مايتمادوا
