انتبوهو لاولادكم من الشغالات!! وانتبهو لشغالاتكم من التجمعات

السلام عليكم ورحمه الله وبركاته !!

خواتي البارح شفت شي غريب عجيب !!

كنت بمجمع نسائي نحضر مهرجان للعيد ؛وكنت رايحه اغسل ولدي الصغير دخل ورا كشك للجوالات ولحقته وسمعت اصوات غريبه وطالع لقيت 5شغالات اثيوبيات وحده هنديه واضح بشكلها وزمامها ولبسها !!

المهم وحده منهم بيدها جوال وتتكلم وشكلها يخوف تنافخ وتزعق وشوي قفلت وعطت الجوال اللي جنبها وخذت منها،فلوس وانا واقفه مانتبهو ويدفعون لها فلوس عشان تعطيهم يكلمون !!
وانتبهو ولدي طاح وبكى وشافوني وخفت كانو معصبين وعيونهم تخوف ورجعت لطاولتي واراقبهم وهم طالعين صاحبه الجوال راحت للكشك وطلبت قلم وورقه وتكتب وتوزع عليهم ورق وتفرقو !!

وكل وحده راحت تاخذ الولد والبنت اللي كانو رامينهم بالساحه ووحده منهم تسحب ولد صغير يبكي والله العظيم تشيله وترميه عالارض !!

وجمعو العيال ورجعو تجمعو عالدكه ويهدرون !@

وقابلت ام الولد وقلت انتبهي لولدك الشغاله تاذيه وتسحبه !!

تخيلو وش قالت ؟؟؟؟؟
قالت مالومها انا امه طلع روحي وطفشني شقي !!
اقسم بالله يمكن بسن ولدي الصغير سنه ونص وبلانعال حافي !!
ياامهات انتبهو لعيالكم وحافظو عالامانه تتحاسبون !!
وراقبو شغالاتكم الظاهر اللي شفتهم البارح بيهجون وخذو رقم احد يهربهم شكلهم متفقات !!
واللي يضحك ويحزن شالغه ماسكه بنت صغيره تجنن وتشرب العصير والبطاطس حق البنت وهي تصيح وتعطيها وتسترجعه والبنت ماتت جوع !! 
حسبي الله عليهم مجوعين العيال ومهملينهم وماذينهم وبالذات الصغار اللي مايتكلمون !!
اعذروني عالاطاله بس حبيت انبهكم لان الاغلبيه يعطون الشغاله العيال وفلوس يقولون اشترو لهم ولعبوهم وهذه الخاتمه !!
وربي شغاله اثيوبيه قعدت عندي شهر انجنيت وعيالي خايفين منها وهي طيبه بس مارتحت زي الاندنوسيه تحسون انهم مريحات ولايخوفون !!
يارب لاتحوجنا لهم وتعين كل وحده ومحتاجه وتكفيها شرها !!