دكتورة رانيا :

شوفي السكن انصحك تختاري الفندق من trip advisor وهوا يطلعلك أفضل سعر سواء من بوكينج او أجواد وأسعاره معقولة أسعار النشاطات تختلف في شي ب11 فرانك وفي 20 فرانك وفي ب190 فرانك حسب يعني وازا كان عندك بطاقة سويس باس في لها خصم كمان المواصلات هيا اصعب شي في سويسرا واغلا شي تأجير سيارة وسواق واكيد حيكون مره غالي تقدرو تاخدو بطاقة سويس باس وهيا تمكنك تستخدمي كل المواصلات للمدة اللي تختاريها سواء اسبوع او اقل مع تخفيض لدخول بعض الأماكن من 25٪‏ - 50 ٪‏ سعر البطاقة ل8 ايام شخص واحد كان حدود 1200 دا السعر كان في 2014 دحين يمكن زاد او اتغير واستئجار سيارة مع جهاز قآرمن هوا حل تاني والأسهل بالنسبة ليا وارخص من السيارة بسواق بس لاتنسي المواقف كمان لها أسعار غير اسعار البنزين وفي شي اسمو toll charge يعني ضرائب استخدام الخط السريع انتي اكيد تهتي دحين واتلخبطتي فحرتبلك الخيارات الأفضل بالترتيب 1- المواصلات العامة وبطايق سويس باس 2- تأجير سيارة مع جهاز قآرمن 3- تأجير سيارة بسواق المسافة من النمسا لانترلاكن طويلة واتوقع افضل طريق يمر بميونخ ألمانيا فأنصحك اما تخليها النمسا وألمانيا يعني ڤيينآ - سآلزبورغ - زيلآمسي - ميونيخ وانا بصراحة حبيت دا الترتيب وحبيتها اكتر من سويسرا او سويسرآ وإيطآليآ أفضل يعني الوصول يكون لجنيف والإقلاع من ميلانو او العكس لانو النمسا وسويسرا صعب ومتعب شوية بالبر وتحتاج ميزانية عالية جددا لو قررتي مثلا تستخدمي الطيران يارب أكون أفدتك

شوفي السكن انصحك تختاري الفندق من trip advisor وهوا يطلعلك أفضل سعر سواء من بوكينج او أجواد...

عاشقة مدينة جدة :

انا اللي سمعته انو النمسا وسويسرا جنب بعض! وكيف ممكن احصل على بطاقة سويس باس؟ وسعرها للشخص اللي ذكرتيه بالريال السعودي؟ واش السياره اللي بجهاز ! كيف هذه؟ الله يسعدك دنيا وأخره لاتنسين تردين وتوضحين لي وماراح انساك من دعواتي

انا اللي سمعته انو النمسا وسويسرا جنب بعض! وكيف ممكن احصل على بطاقة سويس باس؟ وسعرها للشخص اللي...