اخواتي العزبزات كيف حالكم ان شاء الله تكونون بخير اليوم جايه وجايبتلكم وصفه لسطه روعه ولذيذه جدا انصح الجميع بتجربتها طبعا انا اخذتها من كتاب موجود عندي واسمها كذا المهم نخش على المقادير:
كوب بصل ابيض مقطع شرائح رفيعه
كوب طماطم شرائح رفيعه
كوب ملفوف احمر اوابيض مقطع شرائح رفيعه
كوب فلفل رومي ملون او اخضر من غير الوان
2كوب خس مقطع شرائح رفيعه
2كوب بطاطس مقطع مكعبات ومقلي (انا ماحطيت البطاطس لان الخضروات اللي في السلطه مفيده ويخرب عليها البطاطس لانه مقلي بالزيت )
كوب ذره
الصلصه:
علبة لبنه صغيره
نصف علبة قشطه
ملح
طريقة التحضير:
على نار هادئه وفي قليل من الزيت يحمس يشوح البصل مع الطماطم مع نصف حبة ماجي وممكن بهارات مشكله من دون الماجي وشوية فلفل اسود وشوية كمون مطحون تقلب على النار حتى تتسبك وتترك جانبا حتى تبرد
في طبق التقديم :
نضع حمسة البصل والطماطم في قاع الطبق ثم شرائح الملفوف ثم الفلفل الرومي ثم حبوب الذره ثم ثم الخس ثم البطاطس بالترتيب (طبعا انا قلتلكم ماحب البطاطس المقلي في السلطه علشان كذا حطيت على الوجه بدل البطاطس جزر مبشور)
في طبق اخر نخلط مقادير الصلصه جيدا ونسكبها فوق السلطه ونزينها بالسماق وبعدين تجيبين حبة جزر وتقشرينها وتقطعينها الى اربع قطع بالطول وتزينين السلطه فيها وبس وبالعافيه عليكم وهذي الصور
الله يعطيك العافية وتسلم الأيادي