انتشار الحسد

السلام عليكم
حبايبي لاحظت كثير بالفتره الاخيره انتشار الحسد بشكل قوي ومخيف بالمجتمع سواء بالواقع اوبالعالم الافتراضي
مثلا فلانه عندها فلوس اوربي منعم عليها !تبدأ الاسىله منوين جابتها وليش وكيف ومحاولات كثيره والي يتقرب يبغا يعرف منوين والي تحقد وتقلب فجاه ع الادميه بدون سبب اومبرر مقنع مع ان البنت ماشافو منها الا كل خير واحترام


برضو فلانه متزوجه وزوجها يحبها ومبسوطين وش فيها وش لاقي منها عاديه ماهي حلوه ماتستاهله


برضو فلانه مجتهده بالجامعه وتجيب امتياز اووه هذي مره ش كلها تعرف الاستاذات وكيف وليش ودرجاتها عاليه
الامثله كثيررره ولاحظت الظاهره متفشيه بقوه بمجالس الحريم والتجمعات وبمجتمعي تحديدا شفت حالات والامثله اعلاه شي بسيط
مع العلم الرزق بالمال اوالابناء اوحتى الزوج اوحتى الجمال اوالدرجه العلميه والامتياز كلها ارزاق قسمها وقدرها رب الارباب وملك الملوك