السلام عليكم ورحمة الله وبركاته
مرحبا بنات حواء
اليوم بقولكم اللي صار معاي يمكن يكون فيه وحده صار لها مثل اللي صار لي واتطمن قلبي
انا تركت حبوبي المانع بنية اني راح احمل واجيب عبدالملك اللي مشتاقه له
وتركت الحبوب وبعدها شكيت بوجود حمل ورحت حللت بعد تأخر الدوره بااربع ايام ومافيه حمل
وكتبت اللي صار لي هنا بالمنتدى وهذا الرابط
http://forum.hawaaworld.com/showthread.php?t=2265514
وصرت دايم احس بنغزات على اليمين
وتحول لألم ولكن قلت اكيد حمل
وجت ذيك الليله بعد مرور اسبوع على موعد الدوره
ونمت عادي وجاء الصباح
ويوم صحيت حسيت باألم غير طبيعي
وشي احسه بالوصف كأنه زايده
والالم هذي المره مو بالرحم لا بجنبي كلها
ورحت للمستشفى
وقالوا لازم نتأكد من وجود حمل والا لا
وكنت مبسوطه رغم الألم واقول اكيد حمل
وبعد التحليل قالوا مافيه حمل للمره الثانيه
ومع هذا كله كان عندي امل انه حمل
وسوو لي اشعه تلفزيونيه قالوا هذي املاح على الكلى
لدرجة ان وحده من الكلى تقول الدكتوره مانشوفها كلها املاح والكليه الثانيه طالع نصها
وعطتني علاج وقالت هذا يناسب حتى لو كان فيه حمل
وزادت الأمل فيني
وقالت مااقدر اصرف لك مهدئات لانه مايصلح مع الحمل بس اصبري على الألم
وقلت بقلبي عادي اصبر بس يصير حمل
المهم رجعت واكلت علاجي عادي
وبعد مرور 12 يوم على تأخر الدوره
كنت سهرانه وواصلت ليت الساعه 10
ويوم جيت بنام جاء زوجي بدري من الدوام
وحصل جماع بوضع معين
وحسيت بألم فضيع باليمين
وصرخت وقلت غير الوضع
وغير الوضع وراح الألم وبمجرد انتهى الجماع والا يجيني ذاك الألم زي الطلق لدرجة اني ماأقدر امشي
وطحت بمكاني وحتى زوجي خاف
وبردت ارجولي
وألم قوي قعدت اتلوى منه
ورحت لمستوصف خاص
وسوت اشعه سونار داخليه
وقالت فيه شي منفجر وفيه ماء بالحوض
قلت يعني ايش
قالت احتمال حمل خارج الرحم وانفجر كيسه
واحتمال كيس مبيض منفجر
بس انا مدري ايش بالضبط ولازم نحولك ترقيد للمستشفى الحكومي
ويتابعون حالتك
قلت وانتم لأني ماابي الحكومي
قالت حنا خاص ومانقدر نخاطر
قلت امري لله
وقالت فيه التهاب شديد وقرحه
و100 % العدوى منتقله لزوجك ولازم حتى هو يتعالج
وحولوني للحكومي
وبعد الكشف الداخلي قالت ايه فيه شي
وانا طول الوقت ابكي واقول بنفسي اكيد حمل خارج الرحم
والا ايش الالم اللي على جنب
وقالوا لزوجي وقع ترقيد وبنتي تشوفني ابكي وتبكي معاي
ياعيني عليها
وقالوا له خلاص اطلع
ويوم شفت زول بنتي وهي طالعه عجزت اسكت
واقول ياربي هونها وشلون بنام الليله
وانا بنتي مو معاي بنفس البيت
اول مره ابعد عنها
وقعدت ابكي بكاء مو طبيعي
ونقلوني للترقيد
وقالوا اشربي ماء كثير
وجاء المستشار وسوا سونار خارجي
وطول وماشاف شي
وبعدين سواا سونار داخلي
وربع ساعه احس طفشت بغيت استفرغ بس ابيه يطلعه
وفاتح فمه ومركز قلت ايه اكيد فيه شي
والا ليش وجهه كذا
يارب الطف بحالي
وقال مافيه شي اختفى كل شي بلحظه
واختفى الماء
كيف؟؟
مدري؟؟
يأنه ماعنده سالفه
يأنه صادق مافيه شي
وسووا تحاليل مره ثانيه
ورحت للغرفه لين جاء وقت الزياره
وجاء زوجي وبنتي
اااه وقعدت اضمها
يااااارب ان شاء الله مااحد يتولاها غيري
وقلت لزوجي روح اسألهم الحين ليش مرقديني
وسألهم قالوا بس كذا ننتظر نتيجة التحاليل
قلت خلاص طلعني على مسؤليتك وطلعني
واخيرا الحمد لله
ورحت بيتي
وانا الى الان ماادري وش اللي فيني
عاد وحده قالت روحي لااكثر من مستشفى لأن الحمل اللي خارج الرحم مايبين بسرعه
بس انا مارحت خايفه
والله رحمي للحين يعورني
من يديهم ومن الاشعه والحديد اللي دخلوا فيني
خليه يرتاح شوي
وانا للحين خايفه
وش تتوقعون؟؟
والحمل خارج الرحم وين يكون بالضبط
وكيف يصير
ومن صار لها نفس اللي صار لي
طمنوني الله يخليكم
وايش اسوي الحين؟؟
والحمد لله على كل حال
دنياك اتعبتني @dnyak_ataabtny
محررة ماسية
يلزم عليك تسجيل الدخول أولًا لكتابة تعليق.
الله يشفيك والله شكله كيس وانفجر يعني بويضه حجمها كبير مره 0راح تنزل عليك الدوره بعد خمس ايام تقريبا
الصفحة الأخيرة
بس قدامك العافيه ان شاء الله
وماتشوفي شر