هلا امول

الله يهون عليك يارب وبصراحة حبيت اضيف شئ صغير بالاضافة لكلام

الاخوات اللى ماقصرو وهي لما يجيك الطلق اخلطيلك عسل + حبة سوداء وكليها

تراها مرة مفيدة وتسهل بأذن الله وبعد لاتنسين مع كل طلق خذي نفس عميق

لان الرحم في ها الحظة محتاج اكسجين حتى يسهل علية الفتح ويخف الالم

تراه مهم مهم مهم مهم والله يفرح نظرتك لمولودك

السلام عليكم ورحمة الله وبركاته:
:::::::::::::::::::::::::::::::::::
مرحبا اختي متفائله1 الله يهون عليكي يارب ويسهل لك الولادة وياليت اذا عندك اخت متزوجه ومجربه الولادة تقولك بالتفصيل يعني تعطيكي درس علشان تكونين مستعده تمام للولاده ولاتخافين على التاخير يمكن تولدين الليله هههه يارب يسهل لك وياليت تحطين النشرة اللي عندك علشان نستفيد وجزاكي الله كل الخير
اهم شي اذا جاء الطلق كثري مشي ولا تنسين الشهيق والزفير ياربي كاني انا اللي بولد الحين الله يسهل عليكي وعلي يارب وعقبال ماتبشرينا عنك يارب
:::::::::::::::::::::::::::::::::::::::::

الى العزيزه/ امول
اليك بعض النصائح اللى تفيدك ساعة الصفر (ان شاء الله)
1-لما يجيك الطلق(الام اسفل البطن) وتحسي انك تبغي تضغطي على لا تسويها ابدا (حتى لا تتعسر الولاده) طيب ايش تسوي? خذي نفس عميق
2- اذا بغيتي تصارخي قولي( يا ربي ياربي....) ولاتخلي صراخك زعيق وبس
3- اذا شفتي ملاقيف يدخلون عليك الغرفه للفرجه وبس لاتتردي في طردهم , وانصحك انك تروحي مشفى خاص وتشترطي طبيبه للولاده لان المشفى الحكومي ما تدري ساعةالصفر يجيبولك طبيب ولا طبيبه
4- خلي زوجك يحضر اول ولاده عشان يعرف قدر معاناتك ويحبك اكثر بس ها مو تقولي كلثوم ما قالت لي/// لاتخلي يتلقف ويطالع.............
خلي عند راسك بس عشان تطمني
5- قبل الولاده اطلبي من الممرضه شرشفين حتى تغطي فخذك وبكده ترتاحي اكثر مع كثرة الممرضات
6-اول مايطلع المولود ويصرخ خلي زوجك ياذن في اذنه اليمين ويقيم في اذنه اليسار ولا تنسي تحنيكه بالتمر عشان يكون اول كلام يسمعه الشهادتين والتحنيك يطلق لسانه بالكلام بعد سنه- سنتين ....انشاء الله
7- واخيرا وليس باخر خليكي مع الله ....والله يسهل عليكي
:32: :32: :32:

السلام عليكم
انا قلت لك ان الرحم ينفتح والوحدة منا مو داريه اقصدانه الوحدة تقريبا من بداية الشهر السابع تبدى الالام تكثر عندها واحيانا تجيها الالام الطلق على فترات متباعدة يعني يمكن مرة بالاسبوع وبعدين يومين اوثلاثه ايام في الاسبوع وهكذا تبدى تزيد الالام حتى ان الوحده منا اذا جاها الطلق في البدايه ما تفرقه عن الالام الي تجيها وبذالك يمكن يكون الرحم بداء ينفتح من سم الى اربع سم من غير ما تحس الوحدة واعرف ناس كثير ينفتح عندهم الى ثلاثه واربعه ولا تتم الولادة الا بعد اسبوع اواكثر وبذالك تكون الحامل عرضه للشمم ويحصل ان يتوقف الرحم عند هذا المقدار ولا ينفتح اكثر وهذا الي حصل مع الي قلت لك قصتها ولكن بعد ان شمت الحلتيته زال الشمم وانفتح الرحم وولدت طبيعي انا اقول لك هذا عن تجربه فانا في بنتي انفتح الرحم عندي وبدات معي علامات الولاده حتى انه نزل معي الدم ولكن بعد فترةتوقف الرحم والطلق مستمر ولم تستطيع الدكتورة عمل اي شي واخذت فترة طويله حتى اني خرجت من المستشفى ودخلت مرة ثانيه ولكن بدون فائدة وبعد دخولي المرة الثانيه باسبوع عدت للمستشفى للمرة الثالثه ولكن دون جدوى فالرحم مو راضي ينفتح وكدت افقد ابنتي لولا ان الدكتورة اجرت لي العمليه مع العلم اني ولدت قبل ابنتي طبيعي ولكن
هذا المكتوب
ولم اسمع عن الحلتيته او المرة الا بعد الولادة لاني انا هنا بامريكا ولا اعرف احد

اختي متفائلة

ادعوا الله ان يهون عليك هذه الايام الاخيره ويسهل لك الولاده وتسعدي ان شاء الله تعالى بمولودك . الاخوات جزاهم الله قد افاضوا في تقديم حلول وان شاء الله يجعل الله فيها الخير .

ولكن النقطة التي احببت ان الفت نظرك اليها هي ان الموعد الذي يحدده الطبيب لك كموعد للولاده يكون موعدا تقريبيا . ونحن دائما نقول لللام انه من المحتمل ان تلدي قبل هذا الموعد بأسبوعين او بعده بأسبوعين - وهذا الحساب مرتبط بأخر موعد جاءت فيه الدوره سابقا .

اما عن تجربتي الشخصية - فانا قد عديت اليوم المحدد لي بيوم واحد فقط حيث كنت عند الطبيبة والتي اخبرتني انه لا داعي لاي قلق لمده عشره ايام اخرى . وخرجت من عندها وانا مطمئنة والحمد لله واذا بي في نفس اليوم تبدأ عندي اعراض الولاده .

فاستبشري خيرا ان شاء الله وبإذن الله يسهل الله عليك هذه الولاده .